World Science Day : ప్రతి సంవత్సరం,నవంబర్ 10న ప్రపంచ సైన్స్ డే ఫర్ పీస్ అండ్ డెవలప్మెంట్ జరుపుకుంటారు. ఇది సమాజంలో సైన్స్ ప్రాముఖ్యతను, శాస్త్రీయ ఆందోళనలను అభివృద్ధి చేయడం గురించి ప్రజల నిమగ్నత, అవసరాన్ని హైలైట్ చేస్తుంది. ఇది మన రోజూవారి జీవితంలో సైన్స్ ప్రాముఖ్యత, దాని ఉపయోగాన్ని నొక్కి చెబుతుంది.
సైన్స్ను సమాజంతో అనుసంధానించడం ద్వారా, ప్రపంచ సైన్స్ దినోత్సవం.. పీస్ అండ్ డెవలప్మెంట్ కోసం సైన్స్లోని పరిణామాల గురించి పౌరులకు తెలియజేయడం లక్ష్యంగా పెట్టుకుంది.
ఈ ఏడాది..అనగా 2023 ప్రపంచ సైన్స్ డే థీమ్ .. “బిల్డింగ్ ట్రస్ట్ ఇన్ సైన్స్.”
సైన్స్పై నమ్మకం ఉన్నప్పుడే మన సమిష్టి భవిష్యత్తును రూపొందించడంలో దాని పాత్ర నెరవేరుతుంది.సైన్స్.. మన ప్రపంచంలోని బహుముఖ సవాళ్లకు ఎవిడెన్స్ బేస్డ్ పరిష్కారాల అభివృద్ధికి, అనువర్తనానికి ఇంధనంగా ఉంటుంది. సైన్స్పై నమ్మకం అనేది ఒక సంక్లిష్టమైన సమస్య. ఇది శాస్త్రవేత్తలు పనిచేసే విధానాన్ని , సమాజం ద్వారా సైన్స్ను గ్రహించే విధానాన్ని ప్రభావితం చేస్తుంది. అలాగే, సైన్స్పై నమ్మకాన్ని పెంపొందించడం వల్ల సైన్స్ ఆధారిత విధాన నిర్ణయాలు, వాటి అప్లికేషన్కు సమాజం మద్దతును ఇస్తుంది.
2023 ప్రపంచ సైన్స్ డే సందర్భంగా డైరెక్టర్ జనరల్ ఆఫ్ యునెస్కో.. మిస్ ఆడ్రే అజోలె ఒక సందేశాన్ని ఇచ్చారు. సైన్స్ మన ప్రపంచాన్ని మంచిగా మార్చగల సామర్థ్యాన్ని కలిగి ఉందని పేర్కొన్నారు. కొవిడ్-19, మీజిల్స్, పోలియో వంటి వ్యాధుల వ్యాప్తిని అరికట్టడంలో టీకాలు కీలక పాత్ర పోషించాయన్నారు. వ్యవసాయ రంగంలో ఆవిష్కరణల మూలంగా పురుగుమందులు, ఎరువులు, నీటి వినియోగాన్ని తగ్గించి పంట దిగుబడిని పెంచాయని అన్నారు.ఈ పురోగతులకు ప్రధానమైనది శాస్త్రీయ పరిశోధన అని తెలిపారు.
అపారమైన సైన్స్ సామర్థ్యాన్ని నొక్కిచెప్పడానికి, యునెస్కో ప్రతి సంవత్సరం పీస్ అండ్ డెవలప్మెంట్ కోసం ప్రపంచ సైన్స్ దినోత్సవాన్ని జరుపుకుంటుందని పేర్కొన్నారు. ఈ సంవత్సరం, సస్టైనబుల్ డెవలప్మెంట్ కోసం ఇంటర్నేషనల్ ఇయర్ ఆఫ్ బేసిక్ సైన్సెస్ని కూడా జరుపుకుంటునట్టు తెలిపారు.సస్టైనబుల్ డెవలప్మెంట్ కోసం ఈ దశాబ్దం.. ఇంటర్నేషనల్ డికేడ్ ఆఫ్ సైన్సెస్గా మారుతుందని అన్నారు.
వేగంగా మారుతున్న మన ప్రపంచంలో, శాస్త్రీయ అభివృద్ధికి మద్దతు ఇవ్వడం, సైన్స్పై అవగాహన పెంపొందించడం అత్యవసరమని పేర్కొన్నారు. అందువల్ల యునెస్కో శాస్త్రీయ పరిశోధనలకు నిధులను పెంచడం, సైన్స్లో మహిళలకు అధిక ప్రాతినిధ్యాన్ని ఇవ్వడం, అందరికీ నాణ్యమైన సైన్స్ విద్యను యాక్సెస్ చేయడం, శాస్త్రీయ ప్రక్రియలలో ప్రజల భాగస్వామ్యం కోసం సమర్దిస్తుందని అన్నారు. మరింత బహిరంగంగా, మెరుగైన నిధులతో.. మరింత సమానత్వంతో కూడిన సైన్స్ అనేది ప్రపంచానికి ఇప్పుడు అవసరమైన శాస్త్రం అని తెలిపారు.