Omegle : ప్రముఖ ఆన్ లైన్ వీడియో చాట్ వెబ్ సైట్ ఒమెగల్ తన కార్యకలాపాలను మూసివేస్తున్నట్లు ప్రకటించింది. ఈ మేరకు ఒమెగల్ వ్యవస్థాపకుడు లీఫ్ కె- బ్రూక్స్ గురువారం ఒక ప్రకటన చేశారు. 14 ఏళ్లుగా కార్యకలాపాలు సాగించిన ఒమెగల్.. తన కమ్యూనికేషన్ సర్వీస్ పై దాడులు, యూజర్ల అనుచిత ప్రవర్తన కారణంగా వెబ్ సైట్ ను మూసివేస్తున్నట్లు వివరణ ఇచ్చారు.
ప్రస్తుతం నెలకొన్న పరిస్థితులు మారేంతవరకూ, ఒత్తిడి, సంస్థ ఆపరేటింగ్ ఖర్చులు అదుపులోకి వచ్చేంత వరకూ తాము దీనితో పోరాడుతామన్నారు. ఆర్థికంగా, మానసికంగా.. ఒమెగల్ ను నిర్వహించడం సాధ్యంకాదని తేల్చేశారు. లీఫ్ కే బ్రూక్స్ తనకు 18 ఏళ్ల వయసు ఉన్నపుడు ఒమెగల్ ను స్థాపించారు. 14 ఏళ్లుగా దాని కార్యకలాపాలను సాగిస్తూ వచ్చిన అతను.. దీని నిర్వహణతో 30 ఏళ్లకే గుండెపోటుకు గురికాలేనని చేసిన వ్యాఖ్యలు సంచలనమయ్యాయి.
14 ఏళ్లుగా ఒమెగల్ ను ఆదరిస్తున్న యూజర్లందరికీ కృతజ్ఞతలు తెలిపారు. సానుకూల ప్రయోజనాల కోసం ఒమెగల్ ను ఉపయోగించిన వారికి ధన్యవాదాలు తెలిపారు. అలాగే.. ఇన్నాళ్లు సేవలందించి.. ఇప్పుడు వెబ్ సైట్ ను డౌన్ చేస్తన్నందుకు అందరూ క్షమించాలని విజ్ఞప్తి చేశారు. 2009లో ఒమెగల్ ప్రారంభమవ్వగా.. అపరిచిత వ్యక్తులతో ఆన్ లైన్ ద్వారా కలుసుకునేందుకు ఎక్కువగా వాడకంలోకి వచ్చింది. 2021లో, మిమియుయుహ్, క్వీన్ యాస్మిన్ వారి వ్లాగ్ సహకారంతో ఒమెగల్లో కరోలింగ్ చేశారు.