NIA Raids : తెలంగాణ సహా దేశవ్యాప్తంగా 10 రాష్ట్రాల్లో ఎన్ఐఏ సోదాలు నిర్వహిస్తోంది. మానవ అక్రమ రవాణా కేసులకు సంబంధించి మొత్తం 10 రాష్ట్రాల్లో నేషనల్ ఇన్వెస్టిగేషన్ ఏజెన్సీ సోదాలు నిర్వహిస్తోంది. ఇందులో భాగంగా త్రిపుర, అస్సాం, పశ్చిమ బెంగాల్, కర్ణాటక, తమిళనాడు, తెలంగాణ, హర్యానా, పుదుచ్చేరి, రాజస్థాన్, జమ్మూ కశ్మీర్ రాష్ట్రాల్లో ఎన్ఐఏ సోదాలు జరుపుతోంది. ఆయా రాష్ట్రాల్లోని అనుమానితుల నివాసాలను క్షుణ్ణంగా తనిఖీలు చేస్తోంది.

అంతర్జాతీయ సంబంధాలను కలిగిఉన్న మానవ అక్రమ రవాణా రాకెట్ ను వెలికితీసేందుకు 10 రాష్ట్రాల్లో దాదాపు 50 ప్రదేశాల్లో సోదాలు నిర్వహిస్తున్నారు. కెనడాకు వలస వెళ్లేందుకు చట్టపరమైన డాక్యుమెంటేషన్ పొందడం, ఉపాధి అవకాశాలతో పాటు ఇతర ప్రయోజనాలు కల్పిస్తామని నమ్మించి అక్రమంగా మానవ రవాణా చేస్తున్న ముఠాలపై ఎన్ఐఏ దర్యాప్తు చేస్తోంది. అందులో భాగంగానే బుధవారం ఈ తనిఖీలు చేపట్టారు. కెనడా వంటి దేశాలకు వెళ్తున్న వారిపై ఎన్ఐఏ నిఘా పెట్టింది. కాగా.. శ్రీలంక మానవ అక్రమ రవాణా కేసులో తమిళనాడు నుంచి పరారీలో ఉన్న ఇమ్రాన్ ఖాన్ ను బెంగళూరు ఎన్ఐఏ అధికారులు గతనెలలోనే అరెస్ట్ చేశారు.

Share

• 
• 
• 
• 
• 
•