Pawan Kalyan – Ali : పవర్స్టార్ పవన్ కళ్యాణ్, కమెడియన్ అలీ మధ్య మంచి స్నేహం ఉంది. ఈ విషయాన్ని పవన్ కళ్యాణ్ కూడా స్టేజ్పై కొన్ని సందర్భాల్లో చెప్పారు. ఒకానొక దశలో పవన్ కళ్యాణ్ సినిమాల్లో అలీ తప్పకుండా నటించేవారు. అయితే ఇద్దరు రాజకీయాల్లోకి వచ్చిన తర్వాత దూరం పెరిగింది. రాజకీయాల నుంచి సినిమాల్లో రీ ఎంట్రీ ఇచ్చిన తర్వాత చేసిన సినిమాలు వకీల్ సాబ్, భీమ్లా నాయక్లో అలీ నటించలేదు. దీంతో అలీని పవన్ దూరం పెట్టారని వార్తలు బలంగానే వినిపించాయి. ఈ వార్తలన్నింటికీ అలీ చెక్ పెడుతూ రీసెంట్ ఇంటర్వ్యూలో కొన్ని ఆసక్తికరమైన విషయాలు చెప్పారు.
ఆలీ హోస్ట్ చేస్తున్న టాక్ షో.. అలీతో సరదాగా. ఈ షోకి పవన్ కళ్యాణ్ తప్పకుండా వస్తారంటూ ఆయన అన్నారు. ఆయనే ఈ విషయాన్ని చెప్పారంటూ చెప్పిన స్టార్ కమెడియన్.. త్వరలోనే వకీల్ సాబ్, భీమ్లా నాయక్ చిత్రాల్లో కామెడీకి స్కోప్ లేదు కాబట్టే నాకు రోల్ లేదు. పవన్ కళ్యాణ్ సినిమాల్లో కామెడీ ఉంటే తప్పకుండా నాకు రోల్ ఉంటుంది అని కూడా అలీ అనటం విశేషం. నిజంగానే అలీతో సరదాగా టాక్ షోకి పవన్ కళ్యాణ్ వస్తే మాత్రం.. ఆ కిక్ మరో రేంజ్లో ఉంటుందనడంలో ఎలాంటి సందేహం లేదు.