Territorial of the Empire : చరిత్ర పుటల్లోకి జారితే.. ఈ భూమ్మీద లెక్కలేనన్ని సామ్రాజ్యాలు, మరెందరో రాజుల ఉత్థాన పతనాలు కనిపిస్తాయి.బ్రిటిష్ ఎంపైర్ మానవ చరిత్రలోనే అతి సువిశాలమైనది. 1913లో 412 మిలియన్ల మంది.. అంటే నాటి ప్రపంచ జనాభాలో 23 శాతాన్ని బ్రిటన్లు ఏలారు.1920లో బ్రిటన్ సామ్రాజ్యం ఉచ్ఛస్థితికి చేరింది. 13.71 మిలియన్ చదరపు మైళ్ల మేర అది విస్తరించింది.
అంటే మొత్తం భూవిస్తీర్ణంలో దాదాపు నాలుగోవంతుకు ఇది సమానం. అందుకే బ్రిటన్ ఎంపైర్ను ‘రవి అస్తమించని సామ్రాజ్యం’గా పిలిచేవారు.బ్రిటన్ తర్వాత మంగోలుల సామ్రాజ్యం గురించి చెప్పుకోవాలి. 13, 14వ శతాబ్దాల్లో వారి పాలన అవిచ్ఛన్నంగా సాగింది.మంగోలియాలో ఆరంభమైన వారి రాజ్యం.. తూర్పు యూరప్, జపాన్ సముద్రం ఆపై భారత ఉపఖండం, పశ్చిమాసియా వరకు మంగోలుల పాలన విస్తరించింది.
మొత్తం మీద 9.27 మిలియన్ల చదరపు మైళ్ల భూమి వారి ఏలుబడిలో ఉంది.రష్యన్ ఎంపైర్ది మూడో స్థానం. 8.8 మిలియన్ల చదరపు మైళ్ల మేర వారి సామ్రాజ్యం విస్తరించింది.క్వింగ్ డైనాస్టీ 8.8 మిలియన్ చదరపు మైళ్లు, స్పానిష్ ఎంపైర్ 5.29, ఫ్రెంచ్ వలస సామ్రాజ్యం 4.44 మిలియన్ల చదరపు మైళ్ల మేర విస్తరించింది.ఇక అబాసిడ్ కాలిఫేట్, ఉమయాడ్ ఖలీఫా రాజ్యాలు 4.25 మిలియన్ల చదరపు మైళ్ల చొప్పున విస్తరించాయి.