Own Theatres : టాలీవుడ్ స్టార్ హీరోలు అటు సినిమాలు చేస్తూనే.. ఇటు సొంత బిజినెస్లతో బిజీగా ఉంటున్నారు. ఎన్ని సినిమాలు చేసినా.. అసలు బొమ్మ పడాలంటే థియేటర్ ఉండాలి. అందుకే సినిమా చెయ్యడమే కాదు సినిమా చూపిస్తాం అంటున్నారు కొందరు స్టార్ హీరోలు. అలా సొంత థియేటర్లు ఉన్న హీరోలపై ఓ లుక్కేద్దాం రండి.
అల్లు అర్జున్
పాన్ ఇండియా హీరోగా మారిన బన్నీ.. తాజాగా మల్టిప్లెక్స్ థియేటర్ వ్యాపారంలో అడుగు పెట్టారు. ఏషియన్ సినిమాస్తో కలిసి హైదరాబాద్లోని అమీర్పేటలో ‘ఏఏఏ సినిమాస్’ మల్టీప్లెక్స్ను ప్రారంభించారు.
మహేశ్బాబు
ఇప్పటికీ అమ్మాయిల మనసు దోచుకుంటున్న అందగాడు సూపర్స్టార్ మహేశ్బాబుకు హైదరాబాద్లోని గచ్చిబౌలిలో భారీ థియేటర్ ఉంది. ఏషియన్ సినిమాస్ భాగస్వామ్యంతోనే ‘ఏఎంబీ సినిమాస్’ను రన్ చేస్తున్నారు.
ప్రభాస్
ప్రభాస్కు సొంత నిర్మాణ సంస్థే కాదు.. సొంత థియేటర్ కూడా ఉంది. ‘వి సెల్యులాయిడ్ వి ఎపిక్’ పేరుతో నెల్లూరులో భారీ థియేటర్ను ప్రారంభించారు. సౌత్ ఏషియాలోనే ఇంత పెద్ద స్క్రీన్ ఉన్న సినిమా థియేటర్ లేదు.
విజయ్ దేవరకొండ
విజయ్ దేవరకొండ కూడా ఓవైపు ‘రౌడీ’ బ్రాండ్ దుస్తుల వ్యాపారం కొనసాగిస్తూనే ‘మల్టిప్లెక్స్’లో అడుగు పెట్టారు. మహబూబ్నగర్లో ఏషియన్ సినిమాస్తో కలిసి ‘ఏవీడీ సినిమాస్’ పేరుతో థియేటర్ను ప్రారంభించారు.