Thalaivar 171 Updates : ప్రస్తుతం సినీ ఇండస్ట్రీలో కుర్ర హీరోల కంటే ఏజ్ బార్ హీరోలే మంచి జోరు మీద ఉన్నారు. టాలీవుడ్ లో ఆరు పదులు వయసు దాటిన అందగాళ్ళు బాలకృష్ణ, చిరంజీవి వరుస క్రేజీ ప్రాజెక్టులతో దూసుకుపోతున్నారు. తమిళ్ లో అటు కమలహాసన్ ఇటు రజినీకాంత్ తగ్గేదే లేదని బాక్స్ ఆఫీస్ ని బంతాట ఆడేస్తున్నారు. రీసెంట్గా సంచలనం సృష్టించిన చిత్రాలు అన్ని ఈ హీరోలవే కావడంతో వీళ్లకు మరింత క్రేజ్ పెరిగింది. భాషతో సంబంధం లేకుండా థియేటర్లను దద్దరిల్లేలా చేసే తలైవా రజినీకాంత్.
రీసెంట్ గా విడుదలైన రజిని జైలర్ చిత్రం ఎటువంటి సంచలమైన విజయాన్ని నమోదు చేసిందో అందరికీ తెలుసు. ఈ నేపథ్యంలో తన నెక్స్ట్ మూవీ కోసం భాషా సిద్ధంగా ఉన్నాడు. అయితే ఈ మూవీలో రజనీకాంత్ పక్కన విలన్ గా నటించడానికి ఓ ప్రఖ్యాత హీరో కం కొరియోగ్రాఫర్ ని అనుకుంటున్నట్లు ప్రస్తుతం టాక్. అలాగే అతను ఒక మంచి డైరెక్టర్ కూడా.. ఇంతకీ ఎవరు ఈ ఆల్ రౌండర్ అనుకుంటున్నారా?
అతను ఎవరో కాదండి రాఘవ లారెన్స్. పాపం మొన్న చంద్రముఖి 2 అంటూ వచ్చి కాస్త నీరసించాడు. కానీ మామూలుగా లారెన్స్ నటన అద్భుతంగా ఉంటుంది.
లోకేష్ కనకరాజ్ డైరెక్షన్ లో రాబోతున్న రజినీకాంత్ యాక్షన్ మూవీ తలైవర్ 171 లో విలన్ గా నటించడానికి లారెన్స్ తో సంప్రదింపులు జరుపుతున్నారట. ఈ మూవీకి సంబంధించిన షూటింగ్ షెడ్యూల్ 2024 మార్చ్ లేదా ఏప్రిల్ లో ప్రారంభమయ్యే అవకాశం ఉంది.
ఇది లోకేష్ కనకరాజు డైరెక్షన్ లో వచ్చే 6 వ చిత్రం అవుతుంది. అయితే ఈ మూవీకి లోకేష్ సృష్టించిన మల్టీ యూనివర్స్ కు సంబంధం ఉండదట. అంటే ఇది ఎల్.సి.యు లో భాగం కాదు.. అనేది కన్ఫర్మ్. మరి ఈ మూవీలో ఎటువంటి భారీ యాక్షన్ సన్నివేశాలు ఉంటాయో చూడాలి. పైగా ఇందులో రజిని లుక్ ఎలా ఉంటుంది అన్న విషయంపై కూడా సోషల్ మీడియాలో జోరుగా చర్చ జరుగుతుంది.
రజనీకాంత్ మూవీ అంటే అంచనాలు మామూలుగా ఉండవు.. వరుస విజయాలతో దూసుకుపోతున్న లోకేష్ కనకరాజ్ దీనికి డైరెక్టర్ అంటే.. స్టోరీ ఏ లెవెల్ లో ఉంటుందో చూడాలి. ఇందులో లారెన్స్ విలన్ గా చేస్తే ఎలా ఉంటుందో అని నెటిజన్స్ కూడా ఎగ్జైట్ అవుతున్నారు.