Education Tips for Students : స్కూల్, కాలేజీ అనే కాదు పోటీ పరీక్షల్లో విజయం సాధించాలన్నా.. చదివే పద్ధతులు, నియమాలు కచ్చితంగా కొన్ని పాటించాల్సిందే. చదివే క్రమంలో చేసే కొన్ని తప్పుల వల్ల విజయం దూరమౌతుంది. అలాంటి వారు కొన్ని జాగ్రత్తలు తీసుకోవడం చాలా అవసరం. అవేంటో తెలుసుకుందాం రండి.

చదివే పద్ధతులు ఇవీ..
నేర్చుకోవాలనుకునే మెటీరియల్‌ని మొదట పూర్తిగా చదివి ఆకళింపు చేసుకోవాలి. అలాగే చదివేటప్పుడే మీకు అర్థమయ్యేలా నోట్స్ తయారు చేసుకోవాలి. తెల్లవారుజామున చదవడం ఎంతో శ్రేయస్కరం. అయితే, కొందరికి మాత్రం సాయంత్రం వేళలో చదివితే బాగుంటుంది. సమయాన్ని ఎంపిక చేసుకోవడం మీ అలవాటుకు అనుగుణంగా ఉండాలి. పాత ప్రశ్నపత్రాలను పరిశీలించి వాటికి జవాబులు రాయడం, మ్యాథ్స్ ప్రాబ్లమ్స్‌ని సాల్వ్ చేయడం వంటివి చేస్తే రిలాక్స్ అవ్వడమే కాకుండా మీ సామర్థ్యంపై మీకు నమ్మకం పెరుగుతుంది.

స్థిరత్వం ఉండాలి..
సమయాన్ని తెలివిగా విభజించుకుని ముఖ్యమైన విషయాలకు సమయాన్ని కేటాయించడం మంచి పద్ధతి. వీలైనంత వరకు టాపిక్స్‌పై శ్రద్ధ పెట్టాలి.ఒక సబ్జెక్ట్ నుండి మరో సబ్జెక్టుకు స్థిరత్వం లేకుండా మారిపోతూ టైం వేస్ట్ చేయొద్దు. ఏదైనా టాపిక్ తీసుకుంటే దానిపై శ్రద్ధ పెట్టి పూర్తిచేయాలి. ఆరోజు ఏం చదవాలి? ఏ సబ్జెక్టు తీసుకోవాలని ముందుగా ఎంపిక చేసుకోవాలి. రోజు పూర్తికాగానే.. ఏం చదివారు? తర్వాత రోజు చదవాల్సినవి ఏమిటి అనే విషయాన్ని దృష్టిలో పెట్టుకొని ఆలోచించాలి.

Share

• 
• 
• 
• 
• 
•