Nellore Karam Dosa : చాలా మంది నోటికి రుచిగా అనిపించాలని కారం దోశ తింటుంటారు. అదే ఆ కారానికి నెయ్యి జత కూడితే.. ఆ మజానే వేరు. అలాంటిదే ఈ ‘నెల్లూరు కారం దోశ’. ఇక్కడ కారాన్ని దోశపై వేసి దోరగా వేయించి.. దోశను నూనెతో కాకుండా నెయ్యితో వేయిస్తారు. అందుకే నెయ్యికారం దోశ అంత ఫేమస్.

నెల్లూరులో చేసే కారం దోశకు, నెయ్యి కారం దోశకు ఆంధ్ర రాష్ట్ర వ్యాప్తంగా అభిమానులు ఉన్నారు. కానీ ఇక్కడ దొరికే ఆ దోశ కోసం ఎంత దూరంలో ఉన్న వాళ్లైనా సరే.. దోశ పదే పదే తినడానికి నెల్లూరుకి రావాల్సిందే. అయితే ఇక్కడ ప్రతీ చోటా ఈ కారం దోశలు దొరకవు. కేవలం కొన్ని హోటళ్లలో మాత్రమే ఈ అద్భుతమైన రుచులు దొరుకుతాయి. అందుకే కాస్త దూరం ఎక్కువైనా, ధర ఎక్కువైనా ఆ కమ్మటి కారం దోశలనే తింటుంటారు భోజన ప్రియులు.

ఆ సీక్రెట్ చెప్పం..

చెన్నె, బెంగళూరుతో పాటు రాష్ట్ర వ్యాప్తంగా ఈ కారం దోశను తినేందుకు వస్తుంటారు. ఒక్కసారి రుచి చూశారంటే మళ్లీ మళ్లీ తినాలనిపిస్తూనే ఉంటుంది. నెయ్యి కారం రెసిపీని మాత్రం అక్కడి హోటల్స్ నిర్వాహకులు చెప్పమని మొహం మీదే చెప్పేస్తుంటారు. నెల్లూరులోని ప్రతి ఇంట్లో కూడా నెయ్యి కారం దోశలు చేసుకుంటారు కానీ.. హోటల్‌లో వేసినంత టేస్ట్ మాత్రం రాదనే చెప్పాలి.

Share

• 
• 
• 
• 
• 
•