Sweden islands : ప్రపంచంలోనే అత్యంత పరిశుభ్రంగా ఉండే మెట్రోనగరాల్లో స్టాక్హోం ఒకటి. స్వీడన్ రాజధాని అయిన ఈ మెట్రోనగరం.. 14 దీవులు, 50 బ్రిడ్జిల సమాహారం. అత్యధిక దీవులు కలిగిన దేశం కూడా స్వీడనే.
ప్రపంచంలోనే అత్యధికంగా ఈ దేశానికి 2,67,570 దీవులు ఉన్నాయి. వాటిలో ఎక్కువభాగం ఆవాసాలు లేనివే. జపాన్ దేశానికి కూడా ఐలాండ్స్ తక్కువేమీ లేవు. లోకానికి తెలిసిన వాటి కంటే ఎక్కువ సంఖ్యలోనే దీవులు ఉన్నట్టు ఈ ఏడాది మార్చిలో వెల్లడైంది.
6,852 నుంచి 14,125 వరకు ఉండొచ్చని జపాన్ ప్రభుత్వం తేల్చింది. సర్వేయింగ్ టెక్నాలజీ పెరగడంతో పాటు ఏరియల్ ఫొటోగ్రఫీ అందుబాటులోకి రావడంతో దీవుల కచ్చిత గణన సాధ్యమైంది. స్వీడన్ తర్వాత 2,39,057 దీవులతో నార్వే రెండో స్థానంలో నిలిచింది. ఇక మూడో స్థానంలో ఉన్న ఫిన్లాండ్ దేశానికి 1,78,947 ఐలాండ్స్ ఉన్నాయి.
కెనడాకు 52,455 దీవులు, అమెరికాకు 18,617 దీవులు ఉన్నట్టు తేలింది. జపాన్ దేశానికి 14,125, ఆస్ట్రేలియా 8,222, ఫిలిప్పీన్స్ దేశానికి 7,641 దీవులు ఉన్నాయి. 5 వేల నుంచి 3500 వరకు ఐలాండ్స్ కలిగిన దేశాల జాబితాలో చిలీ, చైనా, దక్షిణ కొరియా, క్యూబా, వియత్నాం, ఉత్తర కొరియా ఉన్నాయి.