Chandrayaan-3 Success: చంద్రయాన్ 3 సూపర్ సక్సెస్ అయింది. చందమామపై భారత్ చెరగని సంతకం చేసింది. చంద్రుడి దక్షిణధృవంపై అడుగుపెట్టిన తొలి దేశంగా చరిత్ర సృష్టించింది. యావత్ భారతదేశం గర్వంతో ఉప్పొంగింది. ఇస్రో బృందాన్ని అంతా అభినందనలతో ముంచెత్తారు.
ప్రధాని మోదీ దక్షిణాఫ్రికా నుంచి చంద్రయాన్ 3 ల్యాండింగ్ను లైవ్లో చూశారు. చంద్రయాన్ 3 సక్సెస్తో కొత్త చరిత్రను సృష్టించారని ఇస్రోను ప్రశంసించారు. ఇకపై సౌరమండలంపైనా పరిశోధనలు చేస్తామని చెప్పారు. గగన్యాన్ సైతం గ్రాండ్ సక్సెస్ అవుతుందని ఆకాంక్షించారు. మానవాళికి ఉపయోగపడే ప్రయోగాలు పెంచుతామని చెప్పారు ప్రధాని మోదీ.
ఇస్రోకు మద్దతుగా నిలిచిన ప్రధాని మోదీకి ధన్యవాదాలు చెప్పారు ఛైర్మన్ సోమనాథ్. చంద్రయాన్-2 నుంచి నేర్చుకున్న పాఠాలు ఎంతో ఉపయోగపడ్డాయని.. వచ్చే 14 రోజులు ఎంతో ఆసక్తికరమని అన్నారు. సూర్యుడి గురించి అన్వేషణకు ఆదిత్య ఎల్-1ను వచ్చే నెలలో లాంచ్ చేస్తున్నామని ప్రకటించారు.