Vespa Scooter: బైక్ అంటే చాలామందికి మోజే. స్కూటర్ అంటే కాస్త చిన్నచూపే. రేసులకు గట్రా పనికిరాదని.. సింపుల్ రైడింగ్‌కు మాత్రమేనని.. అమ్మాయిలే ఎక్కువగా వాడుతారని.. స్కూటర్లను తక్కువగా చూస్తుంటారు. ధర కూడా బైక్ కంటే తక్కువే ఉంటుంది. కానీ, ఆ స్కూటర్ మాత్రం సంథింగ్ స్పెషల్. అది అన్నిటిలా మామూలు వెస్పా స్కూటరే. కానీ, ధర మాత్రం ఏకంగా ఆరున్నర లక్షలు.

150 సీసీ ఇంజిన్‌.. యూరో 5 ప్రమాణాలు.. 8 లీటర్ల ఫ్యూయల్‌ కెపాసిటీ.. ఇలా సాధారణ ఫీచర్లే ఉన్నాయి. వైట్ అండ్ వైట్ కలర్‌లో ఉంటుంది. మరి, ఏ స్పెషాలిటీ లేకుండా వెస్పా స్కూటర్‌కు ఎందుకంత ధర? ఆరున్నర లక్షలంటే మాటలా?

ఒకే ఒక్క రీజన్. అందుకే వెస్పా స్కూటర్‌ అంత కాస్ట్లీ. అదే, పాప్ సింగర్ జస్టిన్ బీబర్‌. అవును, జస్టిన్‌ బీబర్‌ ఎక్స్‌ ఎడిషన్‌ పేరుతో స్కూటర్‌ను మార్కెట్లో లాంఛ్ చేసింది పియాజియో సంస్థ. బీబర్‌తో ఒప్పందం చేసుకుని.. పాప్ స్టార్ ఐడియాలజీతో స్కూటర్‌ను డిజైన్ చేశామని చెబుతోంది. ఇది లిమిటెడ్ ఎడిషన్ స్కూటర్ అని.. పరిమిత సంఖ్యలో మాత్రమే అమ్ముతామని ప్రకటించింది.

ఇదీ సంగతి. జస్టన్ బీబర్ థీమ్‌.. లిమిటెడ్ ఎడిషన్ వల్లే.. రూ.లక్ష లోపు ఉండాల్సిన మామూలు స్కూటర్‌ను.. ఆయన పేరు చెప్పి ఏకంగా ఆరున్నర లక్షలకు అమ్మేస్తున్నారు. బిజినెస్ స్ట్రాటజీ అంటే ఇదేనేమో. ఇండియాలో ముందుగా ఆర్డర్ చేస్తే.. ఇటలీ నుంచి ఇంపోర్ట్ చేసి.. డెలివరీ ఇస్తారట. రెగ్యులర్ కస్టమర్ల కోసం కాకుండా.. బైక్ కలెక్షన్‌‌పై క్రేజ్ ఉన్న సంపన్నుల కోసమే ఇలాంటి ఐడియాలన్నీ అంటున్నారు.

Share

• 
• 
• 
• 
• 
•