Vijayawada News : ఆ ఇద్దరిదీ వింత ప్రేమకథ. అబ్బాయికి, అబ్బాయికి మధ్య చిగురించించిన విచిత్ర ప్రేమకథ. విజయవాడకు చెందిన నాగేశ్వరరావు, పవన్‌ ప్రేమించుకున్నారు. పెద్దల్ని ఎదిరించి.. పెళ్లి చేసుకుని, కలసి వైవాహిక బంధంలోకి అడుగుపెట్టాలని నిర్ణయించుకున్నారు. కానీ.. చివరి నిమిషంలో పవన్‌తో పెళ్లికి నాగేశ్వరరావు నిరాకరించాడు. పెళ్లి చేసుకుంటానని నమ్మించి నాగేశ్వరరావు తనను మోసం చేశాడంటూ.. పోలీసులకు పవన్‌ ఫిర్యాదు చేశాడు. వినడానికి కాస్త విడ్డూరంగా ఉన్న ఇద్దరు యువకుల భగ్న ప్రేమకథ పోలీస్‌ స్టేషన్‌ మెట్లెక్కింది.

బెజవాడు చెందిన నాగేశ్వరరావు, పవన్‌ 2019లో వీఆర్ సిద్ధార్థ కాలేజీలో బీఎడ్‌ చదువుకున్నారు. ఆ సమయంలో ఇద్దరూ ప్రేమించుకున్నారు. చదువు పూర్తయ్యాక ఇద్దరు కలసి కృష్ణలంకలో ట్యూషన్ పాయింట్ నిర్వహించారు. పెళ్లి చేసుకోవాలని నిర్ణయించుకున్నారు. పెళ్లి కోసం పవన్‌ ఢిల్లీలో లింగ మార్పిడి ఆపరేషన్‌ చేయించుకున్నాడు. తన పేరును భ్రమరాంబగా మార్చుకున్నాడు.

పవన్‌ ఆపరేషన్‌ చేయించుకున్న తర్వాత.. అతడితో పెళ్లికి నాగేశ్వరరావు నిరాకరించాడు. తనని ప్రేమించి, లింగ మార్పిడి ఆపరేషన్‌ కూడా చేయించిన నాగేశ్వరరావు పెళ్లికి ఒప్పుగోవడం లేదంటూ పవన్‌ పోలీసులకు ఫిర్యాదు చేశాడు. నాగేశ్వరరావుపై పోలీసులు కేసు రిజిస్టర్‌ చేశారు. చీటింగ్, అక్రమ లింగ మార్పిడి సెక్షన్లు నమోదు చేశారు.

Share

• 
• 
• 
• 
• 
•