Shamshabad Airport : శంషాబాద్ ఎయిర్పోర్టులో అక్రమంగా తరలిస్తున్న భారీగా బంగారాన్ని కస్టమ్స్ అధికారులు సీజ్ చేశారు. నలుగురు ప్రయాణికుల నుంచి 4కోట్ల 86 లక్షల రూపాయల విలువ చేసే 8 కేజీల బంగారం స్వాధీనం చేసుకున్నారు.
బ్యాంకాక్ నుంచి వచ్చిన ఇద్దరి వద్ద 3కేజీల 780 గ్రాములు, షార్జా నుంచి వచ్చిన వ్యక్తి నుంచి 2కేజీల 170 గ్రాముల బంగారం సీజ్ చేశారు. దుబాయి నుంచి వచ్చిన మరో ప్రయాణికుడి నుంచి 2కేజీల 500 గ్రాముల బంగారం స్వాధీనం చేసుకున్నారు.
శంషాబాద్ విమానాశ్రయంలో రెగ్యులర్గా ఇలా బంగారం పట్టుబడుతోంది. కేటుగాళ్లు రకరకాల రూపాల్లో గోల్డ్ స్మగ్లింగ్ కోసం తెగ ట్రై చేస్తున్నారు. అయినా, కస్టమ్స్ అధికారులు పట్టేస్తున్నారు.
చెప్పులు, ఇన్నర్లు, మిక్సీలు, చాక్లెట్ రేపర్లు.. ఆఖరికి కడుపులోనూ బంగారం దాచుకొని వస్తున్నారు. ఎవరెన్ని ఎత్తుగడలు వేసినా.. సిబ్బంది వాటికి చెక్ పెడుతుండటం ఆసక్తికరం.