Jayaprada : సినీ నటి, మాజీ ఎంపీ జయప్రదకు ఆరు నెలల జైలు శిక్ష విధిస్తూ తమిళనాడులోని ఎగ్మోర్ కోర్టు తీర్పు ఇచ్చింది. లేబర్ గవర్నమెంట్ ఇన్సూరెన్స్ కార్పొరేషన్ దాఖలు చేసిన వ్యాజ్యాన్ని విచారించిన కోర్టు.. ఈ తీర్పు వెలువరించింది. జయప్రదతోపాటు మరో ముగ్గురికి 5 వేల రూపాయల చొప్పున జరిమానా విధించింది కోర్టు.
చెన్నై రాయపేటలో గతంలో జయప్రదకు చెందిన సినిమా హాల్లో పని చేసిన కార్మికుల నుంచి వసూలు చేసిన ఈఎస్ఐ మొత్తాన్ని లేబర్ గవర్నమెంట్ ఇన్సూరెన్స్ కార్పొరేషన్కు చెల్లించలేదనేది అభియోగం. ఎగ్మూర్ కోర్టులో లేబర్ గవర్నమెంట్ ఇన్సూరెన్స్ కార్పొరేషన్ పిటిషన్ వేయడంతో విచారణ జరిగింది. జయప్రదకు జైలు శిక్ష పడింది.