KTR Birthday celebrations(Telangana news): మంత్రి బర్త్డే అయితే స్టూడెంట్స్కు శిక్ష వేస్తారా? పార్టీ వర్కింగ్ ప్రెసిడెంట్ పుట్టినరోజుకు విద్యార్థుల్ని ఎండలో కూర్చోబెడతారా? అసలు, రాజకీయాలు స్కూల్ కాంపౌండ్లోకి ఎందుకు తీసుకెళ్లారు? మీ నాయకుడు చెప్పాడా? మీరే అత్యుత్సాహం ప్రదర్శించారా?
బీఆర్ఎస్ వర్కింగ్ ప్రెసిడెంట్, తెలంగాణ ఐటీ శాఖ మంత్రి పుట్టిన రోజు వేడుకలు కరీంనగర్ జిల్లాలో వివాదాస్పదమయ్యాయి. చొప్పదండి నియోజకవర్గంలో బీఆర్ఎస్ నేతల అత్యుత్సాహం.. అక్కడి విద్యార్థులకు శాపంగా మారింది. కేటీఆర్ పుట్టినరోజు సందర్భంగా అక్కడి విద్యార్థులతో కఠిన విన్యాసాలు చేయించారు. దీంతో మంత్రి పుట్టినరోజు వేడుకలైతే తమ పిల్లలకు ఎందుకు శిక్ష అంటూ తల్లిదండ్రులు నిలదీస్తున్నారు.
సోమవారం మంత్రి కేటీఆర్ పుట్టిన రోజు సందర్భంగా కరీంనగర్ జిల్లా గంగాధరలో బీఆర్ఎస్ నేతలు వేడుక చేశారు. మండల కేంద్రంలోని జ్యోతిబా పూలే గురుకుల పాఠశాలలో విద్యార్థులతో కేటీఆర్కు బర్త్ డే మెసేజ్ రూపంలో ప్రదర్శన చేశారు. విద్యార్థులను నేలపై కూర్చోబెట్టి విన్యాసాలు చేయించారు. దీంతో “మంత్రి పుట్టినరోజైతే విద్యార్థులకు ఏం సంబంధం? అంటూ స్థానికంగా విమర్శలు వచ్చాయి.