Brother: సోషల్ మీడియాలో ఓ వీడియో తెగ వైరల్ అవుతోంది. అది చూస్తే చూస్తే మతిపోవాల్సిందే. తమ్ముడి కోసం అన్న వింత వింత వేషాలు వేస్తున్నాడు. రోజుకో గెటప్ వేసుకొని.. ప్రతీరోజూ తమ్ముడికి కొత్త సర్‌ప్రైజ్ ఇస్తున్నాడు.

ఆ పిల్లాడి పేరు “మాక్స్”.. స్కూల్ నుంచి ఇంటికి వచ్చే సరికల్లా.. అతని అన్న “నోహ్” వెరైటీ గెటప్‌తో వెల్‌కమ్ చెబుతుంటాడు.

ఓ రోజు గిరిజనుడి వేషంలో ఎదురొచ్చి.. తమ్ముడి మెడలో పూలదండ వేసి ఇంట్లోకి స్వాగతం పలికాడు.

ఇంకోరోజు బ్యాట్‌మెన్ గెటప్.. సుమో ఆకారంలో ఓసారి.. గిటారిస్టుగా ఇంకోసారి.. రకరకాల బెలూన్లతో పలుమార్లు.. ఒక్కటేమిటి.. ఒక్కరోజు కూడా వదలకుండా.. ఎవ్రీ డే.. స్పెషల్ డే నే ఆ తమ్ముడికి.

వాన పడినా.. మంచు కురిసినా.. ఎండ కొట్టినా… ఆ అన్న మాత్రం తగ్గేదేలే.. గెటప్ ఆపేదేలే.

బస్సు దిగగానే తన అన్న ఏ వేషంలో వస్తాడోననే క్యూరియాసిటీ ఆ తమ్ముడిది. అన్నను చూడగానే అమాంతం మీద పడిపోతుంటాడు. హగ్ చేసుకుంటాడు. సరదాగా కొడుతూ ఆట పట్టిస్తుంటాడు. ప్రతీరోజూ పండుగే ఆ లవ్లీ బ్రదర్స్‌కి.

అన్నదమ్ముల అనుబంధం అంటే ఇదేరా అనిపించేలా ఉందా వీడియో. ఆ తమ్ముడి అదృష్టమే అదృష్టం అంటూ కామెంట్లు పెడుతున్నారు నెటిజన్లు. మనకూ ఇలాంటి ఓ బ్రదర్ ఉంటే బాగుండు..అంటున్నారు.

Share

• 
• 
• 
• 
• 
•