Leopard Attack : తిరుమల అలిపిరి మార్గంలో చిరుత దాడిలో గాయపడిన నాలుగేళ్ల బాలుడు కోలుకున్నాడు.తిరుపతి శ్రీ పద్మావతి ఆస్పత్రిలో చికిత్స తర్వాత బాలుడు పూర్తిగా కోలుకున్నాడు. హుషారుగా ఆడుకుంటున్నాడు. దీనికి సంబంధించిన వీడియో వైరల్ గా మారింది.
కాలినడకన తిరుమలకు చేరుకునే క్రమంలో అలిపిరి మార్గంలో జూన్ 22న నాలుగేళ్ల బాలుడిపై చిరుతపులి దాడి చేసింది. దాదాపు 200 మీటర్ల మేర అడవిలోకి ఈడ్చుకెళ్లింది. కుటుంబ సభ్యులు, దుకాణదారులు, దగ్గర్లోని భద్రతా సిబ్బంది అరుపులు, కేకలకు భయపడి బాలుడిని విడిచిపెట్టి అడవిలోకి వెళ్లిపోయింది చిరుత. చిరుత దాడిలో తీవ్రంగా గాయపడి రక్తగాయాలతో పడి ఉన్న బాలుడు కౌశిక్ను తీసుకుని పరుగులు పెడుతూ రోడ్డుపైకి వచ్చారు భద్రతా సిబ్బంది. తిరుపతి శ్రీపద్మావతి ఆస్పత్రి తరలించారు. దాదాపు రెండు వారాల తర్వాత బాలుడు కోలుకోవడంతో తల్లిదండ్రులు ఆనందం వ్యక్తం చేస్తున్నారు.