Tomato Price: టమాటా ధరలు సామాన్యులకు దడ పుట్టిస్తున్నాయి. ధరలు వింటే చాలు సామాన్య ప్రజల గుండె గుబేల్ మంటోంది. టమాటా ధర చాలా చోట్ల సెంచరీ దాటేశాయి. కొనలేం-తినలేం అన్న రీతిలో ధరలు దడ పుట్టిస్తున్నాయి. హైదరాబాద్లో 120 రూపాయలు పలుకుతోంది టమాటా ధర.
ప్రస్తుతం వర్షాలు పడుతుండడంతో పంటలు చేతికి వస్తే తప్ప ధరలు తగ్గుముఖం పట్టే అవకాశాలు కనిపించడం లేదు. ఇతర రాష్ట్రాల నుంచి దిగుమతులు తగ్గడం, భారీ వర్షాలకు పంటలు దెబ్బతినడం కారణంగా టమాటా ధరలు భారీగా పెరిగాయి. కొత్త పంట చేతికొచ్చే వరకు పరిస్థితి ఇలానే ఉండేలా కన్పిస్తోంది.
మే నెల ప్రారంభంలో కూరగాయల ధరలు భారీగా పతనమయ్యాయి. దీంతో చాలా రాష్ట్రాల్లో రైతులు వీటిని పండించడానికి ఆసక్తి చూపలేదు. ఆ తర్వాత వేడిగాలులు, ఆలస్యమైన వర్షపాతం, చెడు వానలతో టమాట పంటకు నష్టం వాటిల్లిందని, దీంతో మార్కెట్లో వీటికి డిమాండ్ పెరిగి, సప్లై తగ్గిందని హోల్సేల్ డీలర్లు చెబుతున్నారు.