America: అమెరికా అధ్యక్ష భవనం వైట్ హౌస్ లో తెల్లపొడి కలకలం సృష్టించింది. దీంతో భవనాన్ని కొంతసేపు ఖాళీ చేయించాల్సిన పరిస్థితి ఎదురైంది. ఆదివారం సాయంత్రం యునెటైడ్‌ సీక్రెట్‌ సర్వీస్‌ సిబ్బంది వైట్ హౌస్ లో తెలుపు రంగులో ఉన్న పొడిని గుర్తించారు. వెంటనే అప్రమత్తమయ్యారు. ముందుజాగ్రత్త చర్యలు తీసుకున్నారు. వెంటనే భవనంలో ఉన్న వ్యక్తులను సురక్షిత ప్రదేశానికి తరలించారు.

వైట్ హౌస్ లో తెల్లపొడిని గుర్తించిన సమయంలో అమెరికా అధ్యక్షుడు జో బైడెన్‌ అక్కడ లేరు. ఈ పొడి లేబరేటరీకి పంపారు. ప్రాథమిక పరీక్షలో కొకైన్‌ అని తేలింది. అది అక్కడికి ఎలా వచ్చిందనే అంశంలో అనేక అనుమానాలు వ్యక్తమవుతున్నాయి. ఈ విషయాన్ని తెలుసుకునేందుకు దర్యాప్తు చేపట్టారు.

కొన్నిరోజులు క్రితం ఓ భారతీయ యువకుడు ట్రక్ తో వైట్ హౌస్ లోకి దూసుకెళ్లేందుకు ప్రయత్నించాడు. ఈ ఘటన వైట్ హౌస్ భద్రతపై అనుమానాలను రేకెత్తించింది. తాజాగా కొకైన్ ను గుర్తించడం కలకలం రేపుతోంది.

Share

• 
• 
• 
• 
• 
•