Hero Nikhil : తెలంగాణ యాంటీ నార్కోటిక్స్ బ్యూరో కార్యక్రమంలో డ్రగ్స్పై సంచలన ఆరోపణలు చేశారు హీరో నిఖిల్. తనకు చాలా సార్లు డ్రగ్స్ ఆఫర్ చేశారని… కానీ తాను డ్రగ్స్ తీసుకోలేదని చెప్పారు.
హీరో నిఖిల్ వ్యాఖ్యలు కలకలం రేపుతున్నాయి. నిఖిల్కు ఎవరెవరు డ్రగ్స్ తీసుకోమని ఆఫర్ చేశారు? ఎప్పుడెప్పుడు డ్రగ్స్ తీసుకోమని ఒత్తిడి చేశారు? అనే ప్రశ్నలు వినిపిస్తున్నాయి. నిఖిల్ అప్పుడే పోలీసులకు ఎందుకు సమాచారం ఇవ్వలేదు? ఇప్పటికైనా నిఖిల్ డ్రగ్స్కు సంబంధించిన వివరాలను పోలీసులకు ఇస్తారా? అనే చర్చ జరుగుతోంది.
ఓవైపు కేపీ చౌదరి డ్రగ్స్ వ్యవహారం దుమారం రేపుతున్న సమయంలోనే నిఖిల్ ఈ కామెంట్స్ చేయడం ఆసక్తికరంగా మారింది. కేపీ చౌదరి కేసులో అనేకమంది సినీ, రాజకీయ ప్రముఖుల పేర్లు వినిపిస్తున్నాయి. ఎప్పుడు, ఎక్కడ డ్రగ్స్ కేసు వెలుగుచూసినా.. ఆ లింకులు టాలీవుడ్ను షేక్ చేస్తూనే ఉన్నాయి. ఇప్పుడు హీరో నిఖిల్ మాటలు మరోసారి మంట రాజేస్తున్నాయి.