Upasana kamineni latest news(Celebrity news today): మెగా కోడలి డెలివరీకీ వేళైంది. తొమ్మిది నెలలు నిండటంతో.. ఉపాసన అపోలో ఆసుపత్రిలో చేరారు. భార్య వెంట భర్త రామ్ చరణ్ తోడుగా ఉన్నారు. చిరంజీవి సతీమణి సురేఖతో పాటు ఉపాసన పుట్టింటివారు సైతం వారి వెంట వచ్చారు.
మంగళవారం ఉదయం ఆరున్నరకు డెలివరీకి ముహూర్తం నిర్ణయించినట్టు తెలుస్తోంది. మెగా కుటుంబంలోకి వచ్చేది ఎవరనే దానిపై అభిమానుల్లో ఉత్కంఠ పెరిగింది.
ఉపాసన డెలివరీ కోసం అపోలో హాస్పిటల్స్లో ప్రత్యేక ఏర్పాట్లు చేశారు. ఆమె కోసం ఏకంగా ఓ ఫ్లోర్ మొత్తం కేటాయించారని సమాచారం.
డెలివరీ చేయడానికి.. అపోలో గ్రూపులోకే పేరొందిన వైద్య నిపుణులను ఇప్పటికే రప్పించారు. డెలివరీ తర్వాత వైద్య సేవల కోసం.. చిల్డ్రెన్ స్పెషలిస్ట్లను అందుబాటులో ఉంచారు. ఎలాంటి ఎమర్జెన్సీ అయినా వెంటనే స్పందించేందుకు ఆయా విభాగాలకు సంబంధించిన టాప్మోస్ట్ డాక్టర్లు అపోలో హాస్పిటల్లో రెడీగా ఉన్నారు.
వారసుడైనా, వారసురాలైనా.. తమకు ఒక్కటేనని.. ఎలాంటి తేడా లేదని.. కొణిదెల కుటుంబ సభ్యులు అంటున్నారు. ఫ్యాన్స్ మాత్రం మెగా హీరోనే అంటున్నారు.