Taapsee Pannu : సౌత్లో హీరోయిన్లుగా అడుగుపెట్టి.. ఆ తర్వాత నార్త్కు వెళ్లి అక్కడ క్రేజ్ సంపాదించుకొని సెటిల్ అయినవారు చాలామంది ఉన్నారు. సౌత్లో కంటే బాలీవుడ్లోనే మోస్ట్ వాంటెడ్ హీరోయిన్లుగా పేరు తెచ్చుకున్నవ వారూ ఉన్నారు. అక్కడికి వెళ్లిన తర్వాత చాలామంది హీరోయిన్లకు ముక్కుసూటిగా మాట్లాడడం అలవాటు అవుతుంది. తాప్సీకి కూడా అదే అలవాటు అయ్యింది. ఛాన్స్ వచ్చినప్పుడల్లా ఫైర్బ్రాండ్లాగా దూసుకుపోతున్న తాప్సీ.. తాజాగా మరోసారి సెన్సేషనల్ కామెంట్స్ చేసింది.
తాప్సీ పన్ను.. మోడల్ నుండి హీరోయిన్గా మారింది తెలుగు సినిమాలతోనే. చేసిన సినిమాలు హిట్ అయినా కూడా తాప్సీకి మెల్లగా తెలుగులో అవకాశాలు తగ్గిపోయాయి. అదే సమయంలో తను హిందీలో చేస్తున్న సినిమాలన్నీ సూపర్ హిట్ అవ్వడం మొదలుపెట్టాయి. దాంతో పాటు తాప్సీ నటనకు అక్కడి ప్రేక్షకులు ఫిదా అయిపోయారు. ఇలాంటి పాత్రలు చేయాలంటే తాప్సీనే కరెక్ట్ అని అనుకోవడం మొదలుపెట్టారు మేకర్స్. అయినా కూడా అప్పుడప్పుడు ప్రేక్షకుల తీరుతో, మేకర్స్ తీరుతో తాప్సీకి మనస్పర్థలు వస్తూ ఉంటాయి.
టాలీవుడ్పైనే కాదు.. బాలీవుడ్పై కూడా అవకాశం దొరికినప్పుడల్లా తాప్సీ కామెంట్స్ చేస్తూనే ఉంటుంది. బాలీవుడ్ క్వీన్గా పేరు తెచ్చుకున్న కంగనా రనౌత్ లాగా తాప్సీ కూడా కాంట్రవర్సీలో ముందుటుంది. ఎవరైనా ఎదురుప్రశ్న అడిగితే.. అనిపించి చెప్పేశాను అని సులువుగా సమాధానం ఇస్తుంది. అంతే కాకుండా మీడియాతో తాప్సీ గొడవలకు దిగిన సందర్భాలు అయితే లెక్కపెట్టలేనన్ని ఉన్నాయి. అలాంటి తాప్సీ.. తాజాగా ప్రియాంక చోప్రా అన్న మాటలకు పరోక్షంగా సపోర్ట్ చేస్తూ.. కామెంట్స్ చేసింది.
ఒక పాత్రలో ఏయే పాత్రల్లో ఎవరు నటించాలి అనేది కొందరు స్టార్లు డిసైడ్ చేస్తారు అని చెప్పుకొచ్చింది తాప్సీ. క్యారెక్టర్కు సూట్ అయ్యే వారిని, ప్రతిభ ఉన్నవారిని కాకుండా తమ స్నేహితులను, ఏజెన్సీ వారిని క్యాస్ట్ చేసుకోవడానికి ఇష్టపడతారని సెన్సేషనల్ ఆరోపణలు చేసింది. బాలీవుడ్లో ఫేవరెటిజం అనేది ఎక్కువగా ఉంటుందని, అవకాశాల కోసం కష్టపడే వారికి మాత్రం అవకాశాలు రావాని తెలిపింది. దీంతో తాప్సీ మరోసారి తన కామెంట్స్తో వార్తల్లోకి ఎక్కింది.