Space Effects on Human Brain : ఈరోజుల్లో చాలామందికి స్పేస్కు వెళ్లాలనే ఆశ ఎక్కువయిపోయింది. అంతే కాకుండా స్పేస్ టూరిజం విషయంలో ప్రభుత్వాలు సైతం సహకరిస్తుండడంతో చాలామంది రానున్న పదేళ్లలో అంతరిక్ష ప్రయాణానికి సిద్ధమవుతున్నారు. ఇప్పటివరకు ఎంతోమంది ఆస్ట్రానాట్స్ కూడా స్పేస్ ప్రయాణం చేసి.. అక్కడ కొన్నిరోజులు ఉండి సక్సెస్ఫుల్గా వారి పరిశోధనలు చేసి తిరిగొచ్చారు. కానీ అంతరిక్ష ప్రయాణం అనేది మానవ మెదడుకు మంచిది కాదని శాస్త్రవేత్తలు తాజాగా ఒక షాకింగ్ విషయాన్ని బయటపెట్టారు.
స్పేస్లో గ్రావిటీ అనేది ఉండదు. అది ముఖ్యంగా మానవ శరీరానికి మంచిది కాదని శాస్త్రవేత్తలు అంటున్నారు. మైక్రోగ్రావిటీ పరిస్థితులు మానవ శరీరంపై తీవ్ర ప్రభావం చూపిస్తాయని తెలిపారు. ఈ విషయాన్ని మరింత స్పష్టంగా తెలుసుకోవడం కోసం నాసా ముందుకొచ్చింది. ఇప్పటివరకు నాసా నుండి, ఐఎస్ఎస్ నుండి స్పేస్కు వెళ్లి ఆరు నెలలకు పైగా అక్కడే ఉన్నవారి మెదడులో మార్పులను వారు గమనించామని శాస్త్రవేత్తలు బయటపెట్టారు. ముఖ్యంగా సెరిబ్రోస్పైనల్ ఫ్యూయిడ్లో మార్పులను గమనించినట్టుగా తెలిపారు.
సెరిబ్రోస్పైనల్ ఫ్యూయిడ్లో అనేది మెదడు నుండి వెన్నుముక వరకు చేరుకునే ఒక ఫ్లూయిడ్. ఇది మెదడుకు కవచంగా పనిచేస్తుంది. దాదాపు 30 ఆస్ట్రానాట్స్పై పరిశోధనలు చేసిన తర్వాత.. స్పేస్ ప్రయాణం నుండి తిరిగి వచ్చిన తర్వాత వారు పూర్తిగా కోలుకోవడానికి దాదాపు మూడేళ్లు పట్టిందని శాస్త్రవేత్తలు బయటపెట్టారు. స్పేస్ మెషీనల్లలో ఎక్కువగా పాల్గొన్నవారు కోలుకోవడానికి మరికాస్త ఎక్కువ సమయమే పడుతుందని అన్నారు. ఒకవేళ వారు ఒక మెషీన్ తర్వాత ఒక మెషీన్లో పాల్గొంటూ ఉంటే మాత్రం మెదడుపై పడే ప్రభావం ఊహాతీతం అని తెలిపారు.
ప్రస్తుతం స్పేస్ ట్రావెల్ అనేది ఆస్ట్రానాట్స్ మెదడుపై స్పష్టంగా ఎలాంటి ప్రభావం చూపిస్తుందో ఇంకా తెలియలేదని శాస్త్రవేత్తలు చెప్పారు. ఎక్కువకాలం వీరిని గమనిస్తూ ఉంటేనే దీని గురించి తెలుసుకోవడం సాధ్యమన్నారు. మెదడుపై ఇలాంటి ప్రభావం పడడానికి స్పేస్లో గ్రావిటీ లేకపోవడమే ముఖ్య కారణమని శాస్త్రవేత్తలు నిర్ధారించారు. సైకలాజికల్గా కూడా మనిషి మెదడుపై మాత్రమే కాకుండా శరీరంపై కూడా ప్రభావం పడే అవకాశాలు ఉన్నాయన్నారు. దీంతో పాటు మరెన్నో ఆరోగ్య సమస్యలు కూడా వారు ఎదుర్కునే అవకాశం ఉంటుందని బయటపెట్టారు.