Varun Tej : మెగా హీరో వరుణ్ తేజ్ పెళ్లిపీటలు ఎక్కబోతున్నాడా? ఎంగేజ్ మెంట్ కు ముహూర్తం ఫిక్స్ అయ్యిందా? అంటే అవుననే వార్తలు వినిపిస్తున్నాయి. హీరోయిన్ లావణ్య త్రిపాఠితో శుక్రవారం నిశ్చితార్థం జరుగుతుందని సోషల్ మీడియాలో జోరుగా ప్రచారం సాగుతోంది. ఈ వేడుకకు కుటుంబ సభ్యులు, కొంత మంది సినీ ప్రముఖులను మాత్రమే ఆహ్వానించారని అంటున్నారు.
వరుణ్, లావణ్య ప్రేమలో ఉన్నారని చాలా కాలం నుంచి ప్రచారం సాగుతోంది. వీరిద్దరూ అంతరిక్షం, మిస్టర్ సినిమాల్లో కలిసి నటించారు. ఈ సినిమాల షూటింగ్ సమయంలోనే వీరిద్దరి మధ్య స్నేహ కుదిరింది. ఆ తర్వాత సాన్నిహిత్యం పెరిగి ప్రేమకు దారితీసిందని టాలీవుడ్ లో వినిపిస్తున్న మాటలు.
ఈ అప్పటి నుంచి ప్రేమలో ఉన్నారనే వార్తలు నిత్యం సోషల్ మీడియాలో కనిపిస్తూనే ఉన్నాయి. ఇక ఇప్పుడు ఈ ప్రేమ జంట పెళ్లి బంధంతో ఒక్కటికాబోతున్నారని సమాచారం. డిసెంబర్ లో వరుణ్, లావణ్య పెళ్లి జరుగుతుందని ఫిల్మ్ నగర్ వర్గాల టాక్. ఈ వార్తలపై మెగా ఫ్యామిలీ క్లారిటీ ఇస్తుందా..?