Return on Investment : చాలామందికి ఉండే సందేహమే ఇది. నెలకు కొంత చొప్పున కొన్నేళ్ల పాటు ఇన్వెస్ట్ చేస్తూ వెళ్లడం కంటే.. ఒకేసారి ఇన్వెస్ట్ చేస్తే సరిపోదా అని. చేతిలో డబ్బులు ఉండే వారి ఆలోచన ఇలాగే ఉంటుంది. ఇందులో తప్పు పట్టడానికేం లేదు. కాకపోతే, ఒకసారి ఆలోచించండి… ఓ మంచి కంపెనీ షేర్ 2వేల రూపాయలుంది. ఏదో కారణంగా 1500లకు తగ్గింది. సో, ఇలాంటి టైంలో కొంటే లాభమా కదా. అదే షేర్ 1000 రూపాయలకు పడిపోయింది. ఇంకాస్త డబ్బులు పెట్టి కొనుక్కుంటే మరింత లాభం ఉంటుంది. సో, ఒకేసారి 2వేల రూపాయలు పెట్టి కొనుక్కున్న వారి కంటే.. షేర్ ధర పడినప్పుడల్లా కొనుక్కుంటేనే లాభం. అందుకే, సిస్టమాటిక్ ఇన్వెస్ట్ మెంట్ ప్లాన్-సిప్ ఎంకరేజ్ చేస్తుంటారు ఫైనాన్షియల్ ఎక్స్పర్ట్స్.
మీ దగ్గర కొంత డబ్బు ఉండి.. దాన్ని ఇన్వెస్ట్ చేద్దామని అనుకుంటే మాత్రం.. ఒకే విడతలో కాకుండా నెలకు కొంత చొప్పున ఓ ఆరు నెలలు లేదా.. 12 నెలల పాటు సిస్టమ్యాటిక్ ఇన్వెస్ట్మెంట్ ప్లాన్ రూపంలో పెట్టుబడులు పెట్టుకోవాలి. పైగా వేర్వేరు ఇండెక్సులలో పెట్టాలి. స్మాల్ క్యాప్, మిడ్ క్యాప్, లార్జ్ క్యాప్, డెట్ ఫండ్స్, గోల్డ్… ఇలాంటి ఇన్స్ట్రుమెంట్స్లో ఇన్వెస్ట్ చేయాలి. అలాంటప్పుడు ఏదో ఒక దాంట్లో నష్టం వచ్చినా మిగతావి కవర్ చేసేస్తాయి.
ఒకవేళ కొంత మొత్తాన్ని ఫిక్స్డ్ ఇన్కమ్లో పెట్టాలనుకుంటే.. తక్కువ కాల పరిమితి ఉన్న స్కీమ్స్ ఎంచుకోవడం బెటర్. ఊరికనే ఇన్వెస్ట్ చేస్తూ వెళ్లకుండా ఎప్పటికప్పుడు ఇన్వెస్ట్మెంట్ను రీబ్యాలన్స్ చేసుకుంటూ ఉండాలి. పైగా ప్రతి సంవత్సరం ఇన్వెస్ట్మెంట్ను 5 శాతం పెంచుకుంటూ వెళ్లాలి. ఇలా చేస్తే… మంచి రిటర్న్స్ వస్తాయి.