CSK vs LSG: ఐపీఎల్-16వ సీజన్ లో భాగంగా సోమవారం జరిగిన పోరులో చెన్నై సూపర్ కింగ్స్ ఆటగాళ్లు చెలరేగిపోయారు. సీజన్ ఆరంభంలో గుజరాత్ టైటాన్స్ చేతిలో ఓడిన చెన్నై.. సొంతగడ్డపై జరిగిన మ్యాచ్ లో విశ్వరూపం కనబర్చింది. 12 పరుగుల తేడాతో లక్నోపై విజయం సాధించింది.

ముందుగా టాస్ ఓడి బ్యాటింగ్ చేసిన చెన్నై నిర్ణీత 20 ఓవర్లలో 7 వికెట్ల నష్టానికి 217 పరుగులు చేసింది. ఓపెనర్ రుతురాజ్ గైక్వాడ్ 31 బంతుల్లో 57 పరుగులు, కాన్వే 29 బంతుల్లో 47 పరుగులతో రాణించారు. చివరి ఓవర్‌లో క్రీజులోకి అడుగుపెట్టిన కెప్టెన్‌ కూల్‌ మహేంద్రసింగ్‌ ధోనీ.. ఎదుర్కొన్న తొలి రెండు బంతులను భారీ సిక్సర్లుగా మలిచి మైదానాన్ని ఉర్రూతలూగించాడు. ఆదే సమయంలో లక్నో బౌలర్లు మార్క్ వుడ్, రవి బిష్ణోయ్ చెరో మూడు వికెట్లు తీశారు.

ఆ తర్వాత లక్ష్యఛేదనలో లక్నో 20 ఓవర్లలో 7 వికెట్లు కోల్పోయి 205 పరుగులు మాత్రమే చేసింది. ఓపెనర్ కైల్ మయేర్స్ 22 బంతుల్లో 53 పరుగులతో రాణించాడు. చెన్నై బౌలర్ మోయిన్ అలీ 4 వికెట్లు తీశాడు. మ్యాన్ ఆఫ్ ది మ్యాచ్ అలీ దక్కించుకున్నాడు.

Share

• 
• 
• 
• 
• 
•