Ramadan : రంజాన్ ముస్లింలకి ఎంతో పవిత్రమైన పండుగ. రంజాన్ మాసం అత్యంత పవిత్రమైన నెల. ఈ మాలంలో ముస్లింలు ఉండే ఉపవాసం, పాటించే పద్ధతులు చాలా కఠినంగా ఉంటాయి. ముస్లిం మత విశ్వాసాల కారం రంజాన్ మాసంలో విరాళానికి అత్యధిక ప్రాధాన్యత ఉంది. ఈ మాసంలో చేసే దానధర్మాలు, స్వచ్ఛంద కార్యాలు అల్లా ఆశీస్సులు అందిస్తాయని నమ్ముతుంటారు.
ఇస్లాంలో దాతృత్వానికి అత్యంత ప్రాముఖ్యత ఉంది. ముఖ్యంగా రంజాన్ మాసంలో దానధర్మాలు చేసే వారికి, స్వీకరించే వారికి కూడా మంచి ప్రతిఫలం ఉంటుందని బలంగా నమ్ముతుంటారు.ఎవరైతే రంజాన్ నెలలో దయతో ఉంటూ దానధర్మాలు చేస్తారో వారికి ఆ అల్లా ఆశీస్సులు ఉంటాయి. ఉన్నదాంట్లో ఇతరులకు పంచేవారికి అల్లా దీవెనలు అందిస్తాడు. మరింత ఉన్నతంగా జీవించేలా ఆశీర్వదిస్తాడని ఇస్లాం చెబుతోంది.
మిగిలిన రోజులతో పోల్చితే రంజాన్ మాసంలో చేసే దాతృత్వ చర్యలకు, దానధర్మాలకు రెట్టింపు ప్రతిఫలం వస్తుంది. అందుకే దానంగా ఈ సమయంలో మీరు ఏమిచ్చారో, ఎంత ఖరీదు అనే దాంతో సంబంధం లేకుండా దానం మంచి ఫలితాలను ఇస్తుందని ఖురాన్ చెబుతోంది. పండుగ వేళ సమాజ సేవ చేయాలని ఇస్లాం చెబుతోంది.
రంజాన్ రోజు ఉన్నవారు కొత్త బట్టలు ధరిస్తే లేని వారు పాత దుస్తులు, చిరిగిపోయినవి ధరిస్తారు. సంపద ఉన్నవారు ఒకలా, లేనివారు మరోలా జరుపుకుంటారు.