Balagam: బలగం.. ఈ మూవీ చూసి కన్నీరుపెట్టని వారంటూ ఉండరు. తెలంగాణ సంస్కృతి, సంప్రదాయాలను కళ్లకు కట్టినట్లు చూపించారు దర్శకుడు వేణు వెల్దండి. గ్రామీణ వాతావరణం, కుటుంబ విలువలను నేటి తరానికి సినిమా ద్వారా తెలియజెప్పారు. కుటుంబ పెద్ద చనిపోతే ఇంట్లో పరిస్థితులు ఎలా ఉంటాయో చూపించారు. దర్శకుడిగా మొదటి సినిమాతోనే వేణు అదరగొట్టాడు.

మార్చి 3న రిలీజ్ అయిన ఈ మూవీ ప్రేక్షకుల హృదయాలను గెలుచుకుంది. పాజిటీవ్ టాక్ తెచ్చుకుంది. ప్రస్తుతం ఓటీటీ దిగ్గజం అమెజాన్ ప్రైమ్‌లో స్ట్రీమింగ్ అవుతోంది. ఇక ఈ మూవీ తెలంగాణ, దేశంలోనే కాకుండా అంతర్జాతీయ స్థాయిలో సత్తా చాటింది. అత్యంత ప్రతిష్టాత్మకమైన లాస్ ఏంజిల్స్ సినిమాటోగ్రఫీ అవార్డుల కార్యక్రమంలో ఏకంగా రెండు అవార్డులను దక్కించుకుంది.

బెస్ట్ ఫీచర్ ఫిల్మ్, బెస్ట్ ఫీచర్ ఫిల్మ్ సినిమాటోగ్రఫీ విభాగాల్లో బలగంకు రెండు అవార్డులు వచ్చాయి. తెలంగాణలోని మారుమూల గ్రామ నేపథ్యంలో తెరకెక్కిన ఈ మూవీ అత్యంత ప్రతిష్టాత్మక అవార్డులను దక్కించుకోవడం పట్ల మేకర్స్ ఆనందం వ్యక్తం చేశారు. తమ సినిమాను ఆదరించిన ప్రేక్షకులకు ధన్యవాదాలు తెలిపారు.

Share

• 
• 
• 
• 
• 
•