Mallareddy: కష్టపడ్డా.. పనిచేసినా.. పాలమ్మినా.. పూలమ్మినా.. చిట్‌ఫండ్స్ నడిపినా.. కాలేజీలు పెట్టినా.. సక్సెస్ అయినా డైలాగ్‌తో ఓవర్ నైట్‌లో ఫేమస్ అయ్యారు మంత్రి మల్లారెడ్డి. సోషల్ మీడియాలో ఈ డైలాగ్ రచ్చ చేస్తోంది. సెలబ్రిటీలు కూడా ఈ డైలాగ్‌ను ఇమిటేట్ చేస్తున్నారు. తాజాగా తనకు సినిమాల్లో నటించే అవకాశం వచ్చినా తాను వెళ్లలేదని అన్నారు మల్లారెడ్డి.

మేము ఫేమస్ మూవీ టీజర్ లాంఛ్ కార్యక్రమానికి మల్లారెడ్డి చీఫ్ గెస్ట్‌గా హాజరయ్యారు. చిరిగిన బట్టలు వేసుకొని అమ్మాయిల వెంట తిరిగితే యువత ఫేమస్ కాలేరని.. కష్టపడితేనే అవుతురాని మల్లారెడ్డి అన్నారు. సక్సెస్ ఎవరికీ ఊరికేరాదని చెప్పారు. తాను ఎంతో కష్టపడి పాలు, పూలు అమ్మి ఇక్కడి వరకు వచ్చానని చెప్పారు. కేసీఆర్ దయతో మంత్రి అయ్యానని వెల్లడించారు.

గతంలో సినిమాల్లో నటించే అవకాశం తనకు వచ్చినా చేయలేదన్నారు. పవన్ కల్యాణ్ సినిమాలో విలన్‌గా నటించాలని హరీశ్ శంకర్ తన ఇంటికి వచ్చాడని చెప్పారు. గంటపాటు బతిమిలాడారని.. అయినా తాను విలన్‌గా చేయనని స్పష్టం చేసినట్లు వెల్లడించారు. ఇక రాష్ట్రంలో ఎలక్షన్లు పూర్తయ్యాక తెలంగాణ యాసలో సినిమాలు నిర్మిస్తానని తెలిపారు. తెలంగాణ యాసతో చాలా మంది నటీనటులు ఫేమస్ అయ్యారని వెల్లడించారు.

Share

• 
• 
• 
• 
• 
•