Ugadi dishes : ఉగాది తెలుగువారి ప్ర‌త్యేక పండ‌గ.. వ‌సంత రుతువులో ప్రారంభ‌మ‌య్యే తెలుగు కొత్త సంవ‌త్స‌రానికి ప్రారంభం చైత్ర‌మాసం. ఆ నెల మొద‌టిరోజే ఈ ప్ర‌త్యేక‌మైన ఉగాది .మన తెలుగు వారి పండగలు అనగానే గుర్తొచ్చేవి రకరకాల వంటకాలు. ముఖ్యంగా తెలుగు నూతన సంవత్సరం అనగానే ఉగాది పచ్చడితో పాటు బొబ్బట్లు, పులిహోర, దద్ద్యోజనం ఇంకా చాలా గుర్తుకొస్తాయి. ఉగాది రోజు స్పెషల్ చేసుకునే వంటకాల్లో పచ్చడి, పూర్ణం, బూరెలు, బొబ్బట్లు, పులిహోర ,చక్కెర పొంగలి, రవ్వ కేసరి ,పాల తాళికలు ,మేడు వడ ఈ పండుగకు పురాన్ పోలీ లేదా పూర్ణం భక్షాలను తయారుచేస్తారు . శాస్త్రప‌రంగానే కాదు.. ఆరోగ్య‌ప‌రంగా కూడా ఈ ఆహారం తిన‌డం వల్ల ఎన్నో ప్ర‌యోజ‌నాలు ఉన్నాయంటున్నారు పోష‌కాహార నిపుణులు.
ఉగాది పచ్చడి
రుచి తీపి, పులుపు, ఉప్పు, చేదు, కారం, వగరు రుచులతో ఉంటుంది. బెల్లంలోని తీపి జీవితంలోని మంచి అనుభవాలను సూచిస్తుంది. పచ్చి మామిడి పండ్ల నుండి వచ్చే పులుపు జీవితంలోని ఆశ్చర్యకర సంఘటనలకి సూచిగా భావిస్తారు వేప చేదు జీవితంలోని చేదు అనుభవాలను, కష్టాలను సూచిస్తుంది. కారం సమస్యలను, వగరు ఇబ్బందులు, ఎదురు దెబ్బలను సూచిస్తుంది. ఉప్పు భవిష్యత్తు సూచించే భయంకరమైన అంచనాలను ప్రదర్శిస్తుంది.
పులిహార
కార్బొహైడ్రేట్ల‌తో పాటు ఇటు వేరుశ‌న‌గ గింజ‌లు, ప‌ప్పుల్లోని ప్రొటీన్లు కూడా మ‌న‌కు అందుతాయి. మామిడికాయ‌తో దీన్ని చేయ‌డం వల్ల విట‌మిన్ సి అత్య‌ధిక మోతాదులో అందే వీలుంటుంది.
బొబ్బట్లు
బెల్లం ఎన్నో పోష‌కాల‌ను, ఐర‌న్‌ని అందిస్తే.. ప‌ప్పు మ‌న‌కు కావాల్సిన ప్రొటీన్ల‌ను అందిస్తుంది . గోధుమ పిండిలోని కార్బొహైడ్రేట్లు మ‌న‌కు శ‌క్తిని అందిస్తాయి. నెయ్యిలోని ఫ్యాట్ కూడా క‌ల‌వ‌డంతో కార్బొహైడ్రేట్లు, ప్రొటీన్లు, కొవ్వులు క‌లిసిన సంపూర్ణ వంట‌కంగా ఇది మ‌న‌కు పోష‌కాల‌ను అందిస్తుంది.
పానకం
బెల్లం వల్ల మన శ‌రీరానికి ఐర‌న్‌తో పాటు ఎన్నో అత్య‌వ‌స‌ర‌మైన విట‌మిన్లు, మిన‌రల్స్ అందుతాయి. అంతేకాదు.. వేస‌విలో ఇది మన శ‌రీరాన్ని చ‌ల్ల‌బ‌రుస్తుంది. అతి దాహం నుంచి ర‌క్షిస్తుంది.
బూరెలు
శెన‌గ‌పప్పుతో పాటు మిన‌ప్ప‌ప్పులోని ప్రొటీన్లు కూడా అందుతాయి కాబ‌ట్టి ఈ వంట‌కం నుంచి పోష‌కాల‌ను ఎక్కువ‌గా పొందే వీలుంటుంది.
Share
Ugadi: శోభకృత్ నామ సంవత్సరం ప్రత్యేకత ఏంటి..?
Earthquake : ఉత్తర భారతదేశంలో భూకంపం.. పలు రాష్ట్రాల్లో ప్రకంపనలు..
