Honey Trap: సంపన్నులకు, వ్యాపారవేత్తలకు వల వేయడం. కొద్దిరోజుల పాటు అతనితో క్లోజ్గా మెలగడం. చివరికి డబ్బులు ఇవ్వాలంటూ బెదిరింపులకు పాల్పడడం. ఈ మధ్యకాలంలో ఇటువంటి ఘటనలు పెరిగిపోతున్నాయి. చాలా మంది హనీట్రాప్లో పడుతున్నారు. బయటకి చెప్పుకోలేక వాళ్లు అడిగినంత డబ్బు ఇచ్చేస్తున్నారు. తాజాగా ఇటువంటి ఘటనే బెంగళూరులో జరిగింది.
ఓయువ పారిశ్రామికవేత్తకు టెలిగ్రామ్లో ఓ యువతి పరిచయం అయింది. తన భర్త దుబాయ్లో ఉంటాడని.. తాను ఒక్కతే బెంగళూరులో ఉంటున్నానని పరిచయం చేసుకుంది. అలా వారిద్దరి మధ్య స్నేహం పెరిగి తరచూ చాటింగ్, ఫోన్లు మాట్లాడుకునేవాళ్లు. ఇలా కొనసాగుతున్న క్రమంలో ఓ రోజు తాను లైంగిక తృప్తి కోసం చూస్తున్నాని, తన ఇంటికి వచ్చి కోరిక తీర్చాలని యువతి పారిశ్రామికవేత్తను కోరింది. తన ఇంటి అడ్రస్ను అతడికి పంపించింది.
దీంతో మరునాడు పారిశ్రామికవేత్త ఆమె ఇంటికి వెళ్లాడు. ఇద్దరూ కలిసి ఇంట్లో ఉన్న సమయంలో ముగ్గురు వ్యక్తులు ఆ ఇంట్లోకి ప్రవేశించారు. అతన్ని కొట్టి బెదిరింపులకు పాల్పడ్డారు. సున్తీ చేయించుకొని ఆమెను పెళ్లి చేసుకోవాలిని బెదిరించారు. ఈక్రమంలో పారిశ్రామికవేత్త వారి నుంచి తప్పించుకొని పోలీసులను ఆశ్రయించాడు. ఈమేరకు పోలీసులు కేసు నమోదు చేశారు.