Vijaya Shanthi: విక్టరీ వెంకటేష్, రానా కాంబినేషన్‌లో వచ్చిన లేటెస్ట్ వెబ్‌సిరీస్ రానానాయుడు. ఈ వెబ్‌సిరీస్‌పై తీవ్ర విమర్శలు వెల్లువెత్తుతున్న విషయం తెలిసిందే. ఇందులో బోల్డ్ కంటెంట్ ఎక్కువగా ఉండడంతో ఫ్యామిలీ ఆడియన్స్ నుంచి వ్యతిరేకత పెరుగుతోంది. తాజాగా ఈ సిరీస్‌పై నటి, బీజేపీ నేత విజయశాంతి పరోక్షంగా స్పందించారు.

ఇటీవలే విడుదలైన ఓ తెలుగు ఓటీటీ సిరీస్‌పై అంటూ.. ‘‘తీవ్ర మహిళా వ్యతిరేకతతో కూడిన ఉద్యమాల వరకు తెచ్చుకోకుండా ఉంటారని భావిస్తున్నా. ప్రేక్షకులు చూపించే అభిమానాన్ని కాపాడుకుంటారని అభిప్రాయపడుతున్నా’’ అని సోషల్ మీడియాలో పోస్ట్ చేశారు. అలాగే ఓటీటీలో స్ట్రీమింగ్ అయ్యే సినిమాలకు, వెబ్‌సిరీస్‌లకు కూడా సెన్సార్ తప్పనిసరి చేయాలని డిమాండ్ చేశారు.

ప్రస్తుతం ఈ పోస్ట్ సోషల్ మీడియాలో వైరలవుతుండగా నెటిజన్లు.. విజయశాంతికి మద్ధతుగా కామెంట్లు పెడుతున్నారు. కచ్చితంగా ఓటీటీకి సెన్సార్ ఉండాలి అని ఓ నెటిజన్ కామెంట్ చేయగా.. మరో నెటిజన్ ఓటీటీలో బోల్డ్ కంటెంట్ ఎక్కువైపోతుంది.. అవి చూస్తుంటే చిరాకు వస్తుంది అని కామెంట్ చేశారు.

Share

• 
• 
• 
• 
• 
•