Cycle Car: కారు కొనుక్కోవాలని చాలా మందికి డ్రీమ్ ఉంటుంది. తమకు నచ్చిన మోడల్ కొనుక్కొని అందులో తిరిగాలని చాలా మంది అనుకుంటారు. కానీ కుటుంబ పరిస్థితులు, ఇతర సమస్యల వల్ల చాలా మందికి కారు కొనుక్కోవడం అనేది కలగానే మిగిలిపోతుంది. అయితే ఓ బాలుడు మాత్రం ఏకంగా కారునే తయారు చేసి తన డ్రీమ్ను ఫుల్ఫిల్ చేసుకున్నాడు. అది కూడా సైకిల్తో కారు తయారు చేశాడు
ముందుగా బాలుడు ఇనుప రాడ్లు, అట్టలతో కారు ఫ్రేమును తయారు చేశాడు. దానికి నాలుగు సైకిల్ చక్రాలు, సీటు, స్టీరింగ్ను అమర్చాడు. తొక్కేందుకు వీలుగా పెడల్స్ను కూడా ఫిక్స్ చేశాడు. ఇక సైకిల్ కారు రెడీ అయిపోయింది. బాలుడు ఈ సైకిల్ను వేసుకొని వీధుల్లో ఏంచక్కా చక్కర్లు కొడుతున్నాడు. దానిపై బాలుడు వీధుల్లో తిరుగుతుంటే చుట్టుపక్కల వాళ్లంతా ఆశ్చర్యంగా చూస్తున్నారు. ప్రస్తుతం కారు తయారీకి సంబంధించిన వీడియో సోషల్ మీడియాలో వైరలవుతోంది.
వీడియో చూసిన నెటిజన్లు రకరకాలుగా కామెంట్లు పెడుతున్నారు. బాలుడి ట్యాలెంట్ చూసి అభినందిస్తున్నారు. సైకిల్ కారు అదిరిపోయిందంటూ కామెంట్లు పెడుతున్నారు.