Gujarat: వివాహేతర సంబంధాలు ఈ మధ్యకాలంలో ఎన్నో అనార్థాలకు దారి తీస్తున్నాయి. ప్రియుడిపై మోజుతో భార్యలు భర్తలను హత్య చేస్తుంటే.. భర్తలు ప్రియురాలిపై ప్రేమతో భార్యలను మర్డర్ చేస్తున్నారు. ఈ మధ్యకాలంలో ఇటువంటి ఘటనలు ఎక్కువైపోతున్నాయి. అయితే ఓ యువకుడు మాత్రం ఎవరినీ మర్డర్ చేయకుండా కోర్టు మెట్లక్కాడు. తనతో వివాహేతర సంబంధం పెట్టుకున్న యువతిని తనకు అప్పజెప్పాలంటూ కోర్టును ఆశ్రయించాడు. గుజరాత్‌లోని బనస్కంద జిల్లాలో ఈ ఘటన జరిగింది.

ఓ వివాహిత కొంతకాలంగా ఓ యువకుడితో వివాహేతర సంబంధం కొనసాగిస్తోంది. ఈ విషయం భర్తకు తెలియడంతో ఇటీవల అతనితో లేచిపోయింది. ఇద్దరూ కలిసి ఓ రూమ్ తీసుకొని సహజీవనం చేశారు. ఆ సమయంలో ఆ యువకుడు సహజీవనం చేయడానికి వివాహితతో బాండ్ రాయించుకొని ఆమెతో సంతకం చేయించుకున్నాడు. అలా కొన్ని రోజులు గడిచాక.. వివాహిత తల్లిదండ్రులు ఆమెకు నచ్చజెప్పి ఇంటికి తీసుకెళ్లారు.

ఆ తర్వాత అల్లుడిని ఒప్పించి తిరిగి అత్తగారింటికి తీసుకెళ్లారు. అయితే వివాహిత వదిలిపెట్టి వెళ్లడంతో ఆందోళనకు చెందిన యువకుడు హైకోర్టును ఆశ్రయించాడు. తనతో సహజీవనం చేస్తానని ఒప్పందం కుదుర్చుకొని మధ్యలోనే వదిలిపెట్టి వెళ్లిపోయిందని కోర్టులో పిటీషన్ దాఖలు చేశాడు. ఎలాగైనా తనకు ఆమెను అప్పగించాలని కోరాడు. అయితే యువతి భర్త నుంచి విడాకులు తీసుకోలేదు కాబట్టి.. ఒప్పందం కుదుర్చుకోవడం చెల్లదని కోర్టు ఆ పిటిషన్‌ను కొట్టిపారేసింది.

Holiday: తీరిగ్గా నిద్రపోండి.. ఉద్యోగులకు సెలవు ఇచ్చిన సంస్థ

Bhadradri:రూ.116 భద్రాద్రి రాములోరి తలంబ్రాలు

Share

• 
• 
• 
• 
• 
•