ChatGPT: చాట్జీపీటీ.. టెక్ రంగంలో ఇదొక సంచలనం. ఎటువంటి ప్రశ్నకైనా చిటికెలో సమాధానం చెబుతుంది. ఆర్టిఫిషియల్ ఇంటలిజెన్స్తో పనిచేసే ఈ టూల్.. మనుషులు గంటల్లో చేసే పనిని నిమిషాల్లో చేసి చూపెడుతుంది. ఇక సంవత్సరకాలంగా ఉక్రెయిన్పై రష్యా దండయాత్ర కొనసాగుతోన్న విషయం తెలిసిందే. ఈ యుద్ధం ముగింపుకు పరిష్కారం చూపించింది చాట్జీపీటి.
భారత విదేశాంగ శాఖ మాజీ కార్యదర్శి వికాస్ స్వరూప్.. ఉక్రెయిన్, రష్యా యుద్ధంలో మధ్యవర్తిత్వ ప్రాణాళిక గురించి చాట్జీపీటీనీ కోరారు. దానికి చాట్జీపీటీ.. ‘‘సంవత్సకాలంగా కొనసాగుతున్న ఉక్రెయిన్ రష్యా యుద్ధం క్లిష్టమైనది.. యుద్ధం ముగింపుకు పరిష్కారాన్ని కనుగొనడం కాస్త సవాలుతో కూడుకున్నదే. చర్చలు, అధికార వికేంద్రీకరణ, కాల్పుల విరమణ, ఇరు దేశాల ఒప్పందాలను పాటించడంపై అంతర్జాతీయ పర్యవేక్షణ, సైనిక బలగాల ఉపసంహరణ, సంస్కృతి సంప్రదాయాల పరిరక్షణ వంటి అంశాలను పాటిస్తే యుద్ధం ముగింపుకు పరిష్కారం లభించే అవకాశముంది’’ అని పేర్కొంది.
ఈ విషయాన్ని వికాస్ స్వరూప్ ట్విట్టర్ ద్వారా వెల్లడించారు. చాట్జీపీటీ ఇచ్చిన సమాధానాన్ని షేర్ చేశారు.