Aditi Rao: హీరో సిద్ధార్థ్, హీరోయిన్ అదితీరావు డేటింగ్‌లో ఉన్నారంటూ సోషల్ మీడియా కోడై కూస్తున్న విషయం తెలిసిందే. అజయ్ భూపతి దర్శకత్వంలో వచ్చిన ‘మహాసముద్రం’ సినిమాలో వీరిద్దరూ కలిసి నటించారు. ఆ సమయంలోనే వాళ్లు ప్రేమలో పడ్డారని ప్రచారం జరుగుతోంది. అలాగే వారిద్దరూ ఫంక్షన్లకు ఇతర కార్యక్రమాలకు కలిసి వెళ్లడం రెస్టారెంట్లలో కలిసి కనిపించడంతో సోషల్ మీడియాలో వస్తున్న వార్తలకు బలం చేకూరింది.

అయితే మొదటిసారి ఈ వార్తలపై అదితీరావు స్పందించింది. ఓ ఇంటర్వ్యూలో తమపై వస్తున్న రూమర్స్‌పై క్లారిటీ ఇచ్చింది. ‘‘సినీ ఇండస్ట్రీలో రూమర్స్ రావడం కామన్. నేను ఈ ఇండస్ట్రీలోకి అడుగుపెట్టినప్పటి నుంచి వాటిని పట్టించుకోవడం మానేశాను. జనాలు మాట్లాడుకుంటారు. వారిని మనం ఆపలేం. నేను నాకు ఏది ఇష్టమో దాని కోసమే వెతుకుతుంటాను. నేను ఎప్పటి వరకు అద్భుతంగా పనిచేయగలనో, ఎంతకాలం నన్ను ప్రేక్షకులు ఆదరిస్తారో అప్పటి వరకు నేను సంతోషంగా ఉంటా’’ అంటూ చెప్పుకొచ్చింది.

Share

• 
• 
• 
• 
• 
•