Manoj: మంచుమనోజ్, భూమా మౌనికారెడ్డి చివరికి ఒక్కటయ్యారు. కొద్దిరోజులుగా సోషల్ మీడియాలో వస్తున్న వార్తలకు తెర దించుతూ మౌనికారెడ్డి మెడలో మూడుముళ్లు వేశాడు మంచు మనోజ్. శుక్రవారం రాత్రి మంచు లక్ష్మి ఇంట్లో వీరి వివాహం వైభవంగా జరిగింది. కుటుంబ సభ్యులు, అత్యంత సన్నిహితులు ఈ వేడుకకు హాజరై నవదంపతులను ఆశీర్వదించారు.

ఇది వారిద్దరికీ రెండో పెళ్లి. మౌనికారెడ్డికి ధైరవ్ అనే ఒక కొడుకు కూడా ఉన్నాడు. ఇదిలా ఉండగా.. శనివారం ఇంట్రెస్టింగ్ ట్వీట్ చేశాడు మనోజ్. పెళ్లిలో మౌనిక చేతులను తన చేతుల్లోకి తీసుకున్న ఫొటోను షేర్ చేశాడు. అయితే ఫొటోలో వారి చేతులను ముద్దుముద్దుగా ఉండే మరో రెండు చేతులు పట్టుకొని ఉండడం మనం చూడొచ్చు.

అవి ఎవరివో కాదు.. ధైరవ్ రెడ్డివి. ఆ ఫొటోకు శివుని ఆజ్ఞ అని క్యాప్షన్ ఇచ్చాడు. ప్రస్తుతం ఈ ఫొటో సోషల్ మీడియాలో వైరలవుతోంది. ఇకపై ధైరవ్ రెడ్డి బాధ్యత తనదేనని మనోజ్ చెప్పకనే చెప్పాడని నెటిజన్లు కామెంట్ చేస్తున్నారు.

Share

• 
• 
• 
• 
• 
•