Manchu Manoj: టాలీవుడ్ హీరో మంచు మనోజ్ రెండో పెళ్లి చేసుకోబోతున్నట్లు వార్తలు చక్కర్లు కొడుతున్న విషయం తెలిసిందే. తన స్నేహితురాలు భూమా మౌనికా రెడ్డిని పెళ్లి చేసుకోనున్నారని జోరుగా ప్రచారం జరుగుతోంది. అయితే ఈ వార్తలను నిజం చేస్తూ సోషల్ మీడియాలో ఇంట్రెస్టింగ్ పోస్ట్ పెట్టాడు మనోజ్.
భూమా మౌనిక ఫొటోలను సోషల్ మీడియాలో షేర్ చేస్తూ.. పెళ్లి కూతురు భూమా మౌనికా రెడ్డి అని క్యాప్షన్ ఇచ్చాడు. అలాగే #MWedsM, #ManojWedsMounika అనే హ్యాష్ ట్యాగ్స్ యాడ్ చేశాడు. ప్రస్తుతం ఈ పోస్ట్ సోషల్ మీడియాలో హల్ చల్ చేస్తుంది. నెటిజన్లు, అభిమానులు నూతనజంటకు శుభాకాంక్షలు తెలుపుతూ కామెంట్లు పెడుతున్నారు.
ఇక గతంలోనే మనోజ్కు పెళ్లి అయింది. 2015లో ప్రణతీరెడ్డిని వివాహ చేసుకున్నాడు మనోజ్. ఇరువురి మధ్య పరస్పరం వివాదాలు రావడంతో 2019లో వీరిద్దరూ విడాకులు తీసుకొని విడిపోయారు. ఇప్పుడు భూమా మౌనికతో రెండో పెళ్లికి రెడీ అయిపోయాడు మంచు మనోజ్. శుక్రవారం రాత్రి 8.30 గంటలకు హైదరాబాద్లోని ఫిల్మ్నగర్లో వీరి వివాహం జరగనుంది. ఇరువురి కుటుంబ సభ్యులు, సన్నిహితులు ఈ వేడుకకు హాజరుకానున్నారు.