WhatsApp: స్మార్ట్‌ఫోన్లలో కనిపించే కామన్ యాప్ వాట్సాప్. అసలు వాట్సాప్ లేని ఫోనే ఉండదు. నిత్యం ఎంతో మంది వాట్సాప్‌లో మెసేజ్‌లు, ఫొటోలు, వీడియోలు పంపించుకుంటారు. లక్షల మంది ప్రతిక్షణం చాటింగ్, స్టేటస్‌లు చూస్తూ వాట్సాప్‌లో గడిపేస్తుంటారు. వాట్సాప్ కూడా యూజర్ల సౌకర్యార్ధం ఎప్పటికప్పుడు కొత్త కొత్త ఫీచర్లను అందుబాటులోకి తీసుకొస్తుంది. ఇప్పటికే అనేక ఫీచర్లను తీసుకొచ్చింది.

ఇక వాట్సాప్‌లో చాలా మంది కొన్నిసార్లు ఒక మెసేజ్ పంపించబోయి.. మరొకటి పంపడం, ఒకరికి బదులుగా మరొకరికి పంపించడం లాంటివి చేసి ఇబ్బంది పడుతుంటారు. ఈ సమస్యకు చెక్ పెడుతూ అద్భుతమైన ఫీచర్‌ను తీసుకొస్తుంది వాట్సాప్.

అదే ఆటో కరెక్షన్ ఫీచర్. దీని ద్వారా మనం పంపించిన మెసేజ్‌ను ఎడిట్ చేసుకునేందుకు వీలు ఉంటుంది. మెసేజ్ పంపించిన 15 నిమిషాలలోపు ఈ మెసేజ్‌ను ఎడిట్ చేసుకోవచ్చు. ప్రస్తుతం ఈ ఫీచర్ టెస్టింగ్‌లో ఉందని వాట్సాప్ వెల్లడించింది. అతి త్వరలోనే అందుబాటులోకి తీసుకొస్తామని వెల్లడించింది.

Share

• 
• 
• 
• 
• 
•