Kissing Device: ప్రేమికుల్లో ఉండే ప్రధాన సమస్యల్లో ఒకటి వేర్వేరుగా ఉండడం. ప్రేమ అంటేనే ఒకరిని విడిచి ఒకరు ఉండకపోవడం.. అలాంటిది వేర్వేరుగా ఉండాల్సి వస్తే ఆ బాధ వర్ణనాతీతం. ఫోన్లో మాట్లాడుకోవడం.. ఇంటర్నెట్లో వీడియో కాల్స్ చేసుకున్నప్పటికీ కలిసి దగ్గరగా ఉన్నంత ఫీల్ ఉండదు. అయితే అలాంటి వారి కోసం చైనాకు చెందిన ఓ వ్యక్తి సరికొత్త పరికరాన్ని తీసుకొచ్చాడు.
అదే కిస్సింగ్ డివైజ్. దీనిని జియాంగ్ జోంగ్లీ అనే వ్యక్తి కనుగొన్నాడు. దీని ద్వారా దూరంగా ఉండి కూడా కిస్ చేసుకోవచ్చు. దీనిలో సిలికాన్తో తయారు చేసిన పెదాలను అమర్చారు. దీంతో నిజమైన అనుభూతిని అందిస్తుందని జియాంగ్ తెలిపాడు. దీనిని మన ఫోన్ కింది భాగంలో అమర్చుకొని ఉపయోగించుకోవచ్చు.
ఇక ఇది ఒక యాప్ ద్వారా పనిచేస్తుంది. ఆ యాప్ మన ఫోన్లో లేకపోతే దానిని ఉపయోగించలేము. అలాగే ఆ డివైజ్లో ప్రెజర్ సెన్సార్లు, యాక్యురేటర్లను అమర్చారు. దీని ద్వారా వీడియో కాల్ మాట్లాడుతూ పార్ట్నర్కు కిస్లను పంపించవచ్చు. అలాగే ఎదుటివారు పంపినవి మనం పొందవచ్చు.