Ram Charan: దర్శకధీరుడు రాజమౌళి తెరకెక్కించిన ‘ఆర్ఆర్ఆర్’ సినిమాతో ప్రభంజనం సృష్టించారు.. రామ్‌చరణ్, జూ.ఎన్టీఆర్. ప్రపంచవ్యాప్తంగా గుర్తింపు తెచ్చుకున్నారు. ప్రస్తుతం చరణ్ హాలీవుడ్ క్రిటిక్స్ అసోసియేషన్ అవార్డుల ప్రధానోత్సవంలో భాగంగా న్యూయార్క్‌లో పర్యటిస్తున్నారు. ఈ సందర్భంగా చరణ్‌కు ఇప్పటి వరకు ఏ తెలుగు నటుడికి దక్కని గౌరవం దక్కింది. ప్రతిష్టాత్మక గుడ్ మార్నింగ్ అమెరికా షోకు చరణ్ చీఫ్ గెస్టుగా హాజరయ్యారు. గతంలో ఈ షోలో ప్రియాంక చోప్రా పాల్గొని సందడి చేసింది.

ఒక చరణ్ ఈ షోలో పాల్గొని ఆర్ఆర్ఆర్‌కు సంబంధించిన ఎన్నో ఇంట్రెస్టింగ్ విషయాలను షేర్ చేసుకున్నారు. ‘‘స్నేహం, సోదరభావం నేపథ్యంలో దర్శకుడు రాజమౌళి తెరకెక్కించిన సినిమా ఆర్ఆర్ఆర్. రాజమౌళిని స్టీవెన్ స్పీల్‌బర్గ్ ఆఫ్ ఇండియాగా మేము పిల్చుకుంటాము. తన తర్వాత చిత్రంతో ఆయన గ్లోబల్ సినిమాలోకి అడుగు పెడుతారని అనుకుంటున్నాం. మా సినిమాకు ప్రపంచవ్యాప్తంగా గుర్తింపు రావడం.. భారతీయ సినిమాకు దక్కిన గౌరవం’’ అని చెప్పుకొచ్చారు.

ప్రస్తుతం చరణ్ ఈ షోలో పాల్గొన్న ఫొటోలు సోషల్ మీడియాలో వైరలవుతున్నాయి. నెటిజన్లు అతడిపై ప్రశంసలు కురిపిస్తున్నారు. ఇక చరణ్ ఈ షోలో సాల్గొనడంపై అతని భార్య ఉపాసన సంతోషం వ్యక్తం చేసింది.

Share

• 
• 
• 
• 
• 
•