Pawan Kalyan:టాలీవుడ్కి చెందిన విలక్షణ నటుల్లో జగపతి బాబు. హీరోగా రాణించిన ఆయన తర్వాత విలన్గా మారి సూపర్ డూపర్ హిట్ అందుకున్నారు. అక్కడ నుంచి ఆయన రూట్ని మార్చుకున్నారు. ఇప్పుడు ప్రధానంగా విలన్గా, క్యారెక్టర్ ఆర్టిస్ట్గా రాణిస్తున్నారు. తెలుగుకే పరిమితం కాకుండా పలు భాషల్లో ఆయన వెర్సటైల్ యాక్టర్గా రాణిస్తున్నారు. తాజాగా ఆయన ఓ ఇంటర్వ్యూలో సినీ ఇండస్ట్రీకి చెందిన పలు విషయాలపై ఆసక్తికరమైన వ్యాఖ్యలను చేశారు. తమ కుమార్తె పెళ్లి సమయంలో కమ్మ కులాన్ని ప్రస్తావిస్తూ ఓ వ్యక్తి చేసిన కామెంట్స్పై జగపతి స్ట్రాంగ్గా రియాక్ట్ అయ్యారు.
ఇదే సందర్భంలో నచ్చిన హీరో ఎవరని అడిగితే తనకు ఏ హీరోలంటే ఇష్టం లేదని చెప్పిన జగపతి బాబు డిప్లొమేటిక్గా ఆన్సర్ చెప్పటం రాదని అన్నారు. అదే సమయంలో ఆయన పవన్ కళ్యాణ్పై చేసిన ఆసక్తికరమైన వ్యాఖ్యలు నెట్టింట వైరల్ అవుతున్నాయి. ఇంతకీ జగపతి బాబు ఏం చెప్పారో తెలుసా?.. సినిమా రంగంలో నుంచి రాజకీయ రంగంలోకి వచ్చిన వారిలో పవన్ కళ్యాణ్ అంటే తనకు ఎంతో ఇష్టమని సీనియర్ వెర్సటైల్ యాక్టర్ తెలియజేశారు. ఎందుకనేది కారణం చెప్పలేదు కానీ.. పవన్ కళ్యాణ్ను ఇష్టపడతానని అన్నారు జగపతి.
ఇదే ఇంటర్వ్యూలో మీకు నచ్చిన రాజకీయ నాయకుడు, ముఖ్యమంత్రి, పొలిటికల్ పార్టీ ఏదని అడిగినప్పుడు మాత్రం దానికి సమాధానం చెబితే కాంట్రవర్సియల్ అవుతుందని కాబట్టి సమాధానం చెప్పలేనని వెర్సటైల్ ఆర్టిస్ట్ అన్నారు. ప్రస్తుతం షూటింగ్ జరుపుకుంటోన్న SSMB 28లో జగపతి బాబు విలన్గా నటించబోతున్నారు.