Agriculture : వ్యవసాయంపై ఎన్నో దేశాల ఆర్థిక వ్యవస్థ ఆధారపడి ఉన్నా.. దాన్నే నమ్ముకొని ఉన్న రైతుకు మాత్రం అడుగడుగునా కష్టాలే ఎదురవుతూ ఉంటాయి. అందుకే వారి భారాన్ని తగ్గించడానికి ఇప్పటికే ఎంతో టెక్నాలజీని శాస్త్రవేత్తలు కనిపెట్టి.. వ్యవసాయ రంగంలో ప్రవేశపెట్టారు. అయినా మరికొన్ని ఇబ్బందులు వారిని కలవరపెడుతున్నాయి. అందులో ఒకటే నీటి సమస్య.
వాతావరణం ఎప్పుడు ఎలా మారుతుందో ఊహించడం కష్టంగా మారింది. ఎప్పుడు ఉన్నట్టుండి వర్షం పడుతుందో.. ఎప్పుడు ఒక్కసారిగా ఎండలు ఎక్కువవుతాయో.. అంచనా వేయడం కష్టమయిపోయింది. అందుకే పంటకు నీటి విడుదల విషయంలో రైతులు అయోమయంలో పడుతున్నారు. ఈ సమస్యను పరిష్కరించడానికి కింగ్ అబ్దుల్లా యూనివర్సిటీ ఆఫ్ సైన్స్ అండ్ టెక్నాలజీ (కాస్ట్) శాస్త్రవేత్తలు ఒక మెటల్ ఆర్గానిక్ ఫ్రేమ్వర్క్ (మాఫ్)ను తయారు చేశారు.
వ్యవసాయ నిర్వహణను ప్రణాళిక ప్రకారం చేస్తే.. అది పంట క్వాలిటీని పెంచుతుంది. అంతే కాకుండా ఈ ప్రక్రియలో వచ్చే ఎన్నో ఖర్చులను తగ్గిస్తుంది, నీటిని కూడా సరిగా వినియోగించేకునే అవకాశం అందిస్తుంది. నీటిని పంటకు వదలకపోయినా.. పొలంలోని భూమి ఎంత తడిగా ఉండాలి అనేదాన్ని గమనిస్తే.. నీటి సమస్య వల్ల పంట పాడయిపోవడం లాంటి సమస్యలు ఉండవని శాస్త్రవేత్తలు చెప్తున్నారు. దీనికోసమే మాఫ్ ఉపయోగపడుతుందని వారు తెలిపారు.
సాయిల్ మాయిశ్చర్ను కనిపెట్టడానికి మాఫ్ ఉపయోగపడుతుందని శాస్త్రవేత్తలు చెప్తున్నారు. ఇది ఒక పంజరం లాంటి పరికరం లాగా ఉండి.. ఇందులో నీటిలాంటి అణువులను నిల్వ ఉంచడానికి వినియోగించవచ్చు. ఈ సెన్సార్ను పోడి భూమిలో పెట్టడం ద్వారా మాఫ్లో ఉండే గాలిని నీటిలాగా మార్చి భూమిని తడి చేస్తుంది. ఎంతవరకు నీటిని వదిలాలి అన్న విషయాన్ని రైతులు గమనిస్తూ ఉండవచ్చు.