Israel: చిన్నపిల్లలను తల్లిదండ్రులు జాగ్రత్తగా చూసుకుంటారు. వారికోసం ప్రత్యేకంగా జాగ్రత్తలు తీసుకుంటారు. ఇక ప్రయాణాల్లో మరింత అప్రమత్తంగా ఉంటారు. ముందు నుంచే ఏర్పాట్లు చేసుకుంటారు. అయితే ఇజ్రాయెల్‌లో మాత్రం ఇందుకు భిన్నంగా ఓ ఘటన జరిగింది. ఇమ్మిగ్రేషన్ అధికారులు టికెట్ అడిగారని ఓ జంట తమ శిశువును ఎయిర్‌పోర్ట్‌లోని చెక్‌ఇన్ వద్ద వదిలి వెళ్లింది.

టెల్ అవివ్ నుంచి బ్రుసెల్స్‌కు వెళ్తున్న ఓ జంట తమ శిశువును తీసుకొని ఎయిర్‌పోర్టుకు చేరుకుంది. ర్యాన్ ఎయిర్‌వేస్ నిబంధనల ప్రకారం శిశువుకు కూడా టికెట్ కొనాల్సిందే. ఈక్రమంలో చెక్‌ఇన్ వద్ద సిబ్బంది శిశువుకు కూడా టికెట్ అడగడంతో ఆగ్రహానికి గురైన ఆ జంట స్టోలర్‌లో ఉన్న శిశువును చెక్‌ఇన్ వద్దే వదిలేసి వెళ్లిపోయింది.

ఆ తర్వాత విమానం ఎక్కేందుకు ప్రయత్నించగా.. అధికారులు వారిని అడ్డుకున్నారు. వారిని అదుపులోకి తీసుకొని పోలీసులకు అప్పగించారు. శిశువును ఎయిర్‌పోర్టులో వదిలివెళ్లేందుకు ప్రయత్నించినందుకుగానూ ఆ జంటను పోలీసులు అరెస్ట్ చేశారు.

Share

• 
• 
• 
• 
• 
•