RGV: బాలీవుడ్ స్టార్ హీరో షారుఖ్ ఖాన్ లేటెస్ట్ మూవీ ‘పఠాన్’. దాదాపు మూడేళ్ల తర్వాత షారుఖ్ ఈ సినిమాతో ప్రేక్షకుల ముందుకు వచ్చాడు. సిద్ధార్థ్ ఆనంద్ దర్శకత్వంలో తెరకెక్కిన ఈ సినిమా బాలీవుడ్ బాక్సాఫీస్ను షేక్ చేస్తోంది. రికార్డ్ స్థాయిలో వసూళ్లను రాబడుతోంది.
ఇటీవల ఈ మూవీ చూసిన వివాదాస్పద దర్శకుడు రామ్గోపాల్ వర్మ ‘పఠాన్’పై ప్రశంసలు కురిపించారు. తన పని అయిపోయిందన్న వారికి షారుఖ్ ఖాన్ ‘పఠాన్’తో బదులిచ్చారని అన్నారు. దక్షిణాది దర్శకుల్లా బాలీవుడ్ దర్శకులు కమర్షియల్ మూవీలు తెరకెక్కించలేరనే అపోహను ఈ సినిమా పటాపంచలు చేసిందని తెలిపారు. ‘కేజీఎఫ్-2’ తొలిరోజు కలెక్షన్లను బ్రేక్ చేయడానికి కొన్నేళ్ల సమయం పడుతుందనే అపోహను ఈ చిత్రం బ్రేక్ చేసిందని వెల్లడించారు.