Balayya Song: సీనియర్ హీరోల సాంగ్స్ని వారి నెక్ట్స్ జనరేషన్ హీరోస్ రీమిక్స్ చేయటం కొత్తేమీ కాదు.. అందులో తప్పు కూడా లేదు. ఇప్పుడు అదే బాటలో ఉన్నారు నందమూరి కళ్యాణ్ రామ్. ఆయన తన బాబాయ్ నందమూరి బాలకృష్ణ సినిమాలో సాంగ్ను రీమిక్స్ చేశారు. ఇంతకీ ఏ సాంగ్ను, ఏ సినిమా కోసం రీమిక్స్ చేశారని అనుకుంటున్నారా! వివరాల్లోకి వెళితే.. ప్రస్తుతం కళ్యాణ్ హీరోగా నటిస్తోన్న చిత్రం అమిగోస్. ఇందులో ఆయన ఏకంగా మూడు పాత్రల్లో మెప్పించడానికి సిద్ధమయ్యారు. ఈ సినిమా ఫిబ్రవరి 17న రిలీజ్ అవుతుంది. ఇప్పటికే టీజర్, ఓ సాంగ్ విడుదలైంది. కాగా.. ఇప్పుడు మరో సాంగ్ను విడుదల చేయటానికి మేకర్స్ సిద్ధమయ్యారు.
ఆసక్తికరమైన విషయమేమంటే.. ఈ పాట బాలకృష్ణ సినిమాలోని పాటకు రీమిక్స్.. బాలకృష్ణ హీరోగా నటించిన ధర్మక్షేత్రం సినిమాలో ఎన్నో రాత్రులొస్తాయి గానీ.. అనే పాట ఎంత పెద్ద హిట్టో ప్రత్యేకంగా చెప్పనక్కర్లేదు. ఆ పాటను ఇప్పుడు అమిగోస్ సినిమాలో రీమిక్స్ చేశారు ఆ పాటను జనవరి 29న విడుదల చేస్తున్నట్లు మేకర్స్ ప్రకటించారు. ఈ సినిమాలో కళ్యాణ్ రామ్ సరసన శాండిల్ వుడ్ బ్యూటీ ఆషికా రంగనాథ్ నటిస్తుంది. బాలకృష్ణ సాంగ్స్ను రీమిక్స్ చేయటం కళ్యాణ్ రామ్కి కొత్తేమీ కాదు.. ఇంతకు ముందు పటాస్ చిత్రంలో రౌడీ ఇన్సెప్టెకర్ చిత్రంలోని హరి ఓ సాంబ.. సాంగ్ను రీమిక్స్ చేశారు. ఇప్పుడు మరో బ్లాక్ బస్టర్ సాంగ్ను రీమిక్స్ చేశారు.
Link – https://twitter.com/MythriOfficial/status/1618574341020749827?s=20&t=jsZ-xMvcNTnoKkq6AF64Iw