Tamilanadu: తమిళనాడులో రిపబ్లిక్ డే వేడుకలు ఘనంగా జరిగాయి. చెన్నై మెరీనా బీచ్‌లో శ్రామికుల విగ్రహం వద్ద గవర్నర్ ఆర్ఎన్.రవి జాతీయ జెండాను ఎగురవేసి జాతీయ గీతం ఆలపించారు. ఆ తర్వాత సైనికుల గౌరవ వందనాన్ని స్వీకరించారు. ప్రోటోకాల్ ప్రకారం గవర్నర్ రవికి సీఎం స్టాలిన్ పుష్పగుచ్చంతో స్వాగతం పలికారు. వీరిద్దరూ ఒకే వేదికపై ఆశీనులయ్యారు.
అయితే కొంతకాలంగా గవర్నర్ ఆర్ఎన్ రవి, సీఎం స్టాలిన్‌కు మధ్య వివాదం కొనసాగుతోన్న విషయం తెలిసిందే. ఈ నెల 9న శాసనసభ సమావేశాల ప్రారంభం సందర్భంగా మంత్రివర్గం రూపొందించిన ప్రసంగ పాఠంలో మార్పులు చేసిన కొన్ని పేరాలను చదవకుండా గవర్నర్ వదిలేశారు. గవర్నర్ వైఖరిని ఖండిస్తూ సీఎం స్టాలిన్ తీర్మానం చేయగా… గవర్నర్ సభ నుంచి అర్ధాంతరంగా నిష్క్రమించారు.
ఆ తర్వాత రాజ్‌భవన్‌లో జరిగిన సంక్రాంతి వేడుకలకు కూడా సీఎం స్టాలిన్‌తో పాటు మంత్రులు, డీఎంకే కూటమి ఎమ్మెల్యేలు హాజరు కాలేదు. ఈక్రమంలో సీఎం స్టాలిన్ రిపబ్లిక్ డే వేడుకలకు హాజరై గవర్నర్ ఆర్ఎన్ రవికి స్వాగతం పలకడం ప్రధాన్యత సంతరించుకుంది.
Share
Shaakuntalam: ‘శాకుంతలం’ నుంచి రొమాంటిక్ సాంగ్…‘ఋషి వ‌నంలోన..’
YS Jagan - Sirivennela: సీఎం జగన్‌ను కలిసిన సిరివెన్నెల కుటుంబం
