Chiranjeevi: బాబీ దర్శకత్వంలో మెగాస్టార్ చిరంజీవి నటించిన లేటెస్ట్ మూవీ ‘వాల్తేరు వీరయ్య’. సంక్రాంతి కానుకగా జనవరి 13న ప్రేక్షకుల ముందుకు వచ్చిన ఈ సినిమా సంచలన విజయం సాధించింది. బాక్సాఫీస్ వద్ద భారీ స్థాయిలో వసూళ్లను రాబట్టింది. అమెరికాలో 2 మిలియన్ డాలర్ల క్లబ్లోకి చేరింది.
ఈ సినిమాకు కొన్ని వెబ్సైట్స్ కేవలం 2.5 రేటింగ్ మాత్రమే ఇచ్చాయి. దీనిపై మెగాస్టార్ చిరంజీవి ఫన్నీగా స్పందించారు. ‘‘కొన్ని వెబ్సైట్లు ఇచ్చిన రేటింగ్ను పట్టించుకోవద్దని నిర్ణయించుకున్నాను. ఎందుకంటే సినిమాపై నాకు పూర్తి నమ్మకం ఉంది. ‘గ్యాంగ్ లీడర్’, ‘ఘరానా మెగుడు’, ‘అన్నయ్య’ సినిమాల తర్వాత అంతటి ఎంటర్టైన్మెంట్ ఉన్న సినిమా ‘వాల్తేరు వీరయ్య’నే. అయితే తర్వాతే అర్థమైంది.. 2.5 అంటే.. 2.5 మిలియన్ డాలర్లు అని. యూఎస్లో అంత రెవెన్యూ వస్తుందని వాళ్లు ముందే అంచనా వేశారు’’ అంటూ చెప్పుకొచ్చారు చిరు.