Temple: అమెరికా టెక్సాస్‌లోని బ్రజోస్ వ్యాలీలో ఉన్న ఏకైక హిందూ ఆలయం శ్రీఓంకారనాథ్ దేవాలయం. నిత్యం ఇక్కడికి పెద్ద సంఖ్యలో హిందువులు, భారతీయులు వస్తుంటారు. వారాంతాల్లో, పండుగరోజుల్లో అత్యంత రద్దీగా ఉంటుంది ఈ ఆలయం.

ఇటీవల ఈ ఆలయంలో భారీ దొంగతనం జరిగింది. ఓ కేటుగాడు ఆలయంలోకి చొరబడి విలువైన వస్తువులను ఎత్తుకెళ్లాడు. ఈ దోపిడీ జరిగి దాదాపు 10 రోజులు అయినప్పటికీ ఆలస్యంగా వెలుగులోకి వచ్చింది. జనవరి 11వ తేదీన ఈ దోపిడీ జరిగింది. ఓ దొంగ ఆలయం యొక్క పక్క కిటికీలోంచి లోపలికి చొరబడి హుండీతో పాటు పలు విలువైన వస్తువులను అపహరించాడు. మరునాడు ఉదయం ఆలయ పూజారి ఈ దోపిడీని గుర్తించి పోలీసులకు ఫిర్యాదు చేశాడు.

ఈ మేరకు కేసు నమోదు చేసిన బ్రజోస్ వ్యాలీ పోలీసులు నిందితుడి కోసం గాలిస్తున్నారు. నిందితుడు దోపిడీకి పాల్పడిన దృశ్యాలు ఆలయ సీసీకెమెరాలో రికార్డ్ అయ్యాయి. వాటి సాయంతో పోలీసలుు దర్యాప్తు చేస్తున్నారు. వీలైనంత త్వరగా నిందితుడిని పట్టుకుంటామని పోలీసులు తెలిపారు.

Share

• 
• 
• 
• 
• 
•